پی ٹی آئی اور (ن)لیگ کی کئی اہم شخصیات ہمارے ساتھ رابطے میں ہے۔چوہدری ذوالفقار پپن

بورے والا(چوہدری اصغر علی جاوید سے)مسلم لیگ(ق)یوتھ ونگ پنجاب کے صدر چوہدری ذوالفقار علی پپن نے کہا ہے کہ (ن)لیگ اور اسکے اتحادی غیر ملکی اسلام دشمن ایجنڈے پر عمل پیرا ہیں، مریم نواز نے خود کو حضرت فاطمہ ؓ سے تشبیہ دیکر توہین رسالت کی جبکہ حکومت کے اتحادی محمود اچکزئی جن کا خاندان ہمیشہ ملک کے خلاف ایجنڈے پر عمل کرتا آیا ہے اب اس نے یہ بیان دیکر کہ عوام کے بغیر کوئی نبی بھی کامیاب نہیں ہو سکتا،انتہائی شرمناک اور انکے دائرہ اسلام سے خارج ہونے کیلئے کافی ہے،حکمرانوں اور انکے اتحادیوں پر اللہ تعالیٰ کا عذاب نازل ہو چکا ہے اور اب یہ آئندہ الیکشن سے قبل ذلیل و رسوا ہو کر اپنے انجام کر پہنچ جائیں گے،بیرونی طاقتوں کے آلہٰ کار بن کر اسلام اور ملک کے خلاف سازشیں کرنے والوں کا انجام عبرتناک ہے مسلم لیگ(ق) نے اپنے دورِ حکومت میں صحافتی آزادی کے علاوہ ملکی اداروں کو استحکام بخشا ہے، چوہدری شجاعت حسین اور چوہدری پرویز الہیٰ کی قیادت میں (ق)لیگ نے اپنے دورِ اقتدار میں ملکی ترقی اسکے استحکام اور عوامی فلاح و بہبود کے لیے تاریخی اقدامات کیے آئندہ الیکشن میں (ق)لیگ قوم کو ایک بڑا سرپرائز دے گی اور انتخابات میں اپنی بھرپور قوت کا مظاہرہ کرے گی،ان خیالات کا اظہار انہوں نے پریس کلب میں ایک پریس کانفرنس کے دوران کیا اس موقع پر صوبائی جوائنٹ سیکرٹری قاضی احسان الحق،ڈویژنل جنرل سیکرٹری ملتان ملک شکیل اعوان،تحصیل صدر چوہدری ندیم مختار جٹ،سٹی صدر عثمان مراد،چوہدری عبدالباسط،چوہدری وسیم چوہان،چوہدری عرفان احسان،ملک حق نوازسانگلہ اور شیخ محمد عمر بھی موجود تھے چوہدری ذوالفقار پپن نے مزید کہا کہ آئندہ الیکشن میں (ق)لیگ دوسری سیاسی جماعتوں سے اتحاد پر بھی غور کر رہی ہے ہر حلقہ سے مضبوط امیدوار سامنے لائے گی پی ٹی آئی اور (ن)لیگ کی کئی اہم شخصیات ہمارے ساتھ رابطے میں ہے (ق)لیگ چھوڑ کر (ن) لیگ میں جانے والے بھی جلد واپس آئیں گے وہ حکومت کے خاتمے کا انتظار کر رہے ہیں۔