سماجی شخصیت ڈاکٹر سہیل عزیز کی طرف سے سپیشل ایجوکیشن سکول کیلئے جدید کمپیوٹر لیب کا تحفہ

بورے والا(چوہدری اصغر علی جاوید سے)معروف پتھالوجسٹ سماجی شخصیت ڈاکٹر سہیل عزیز کی طرف سے سپیشل ایجوکیشن سکول کیلئے جدید کمپیوٹر لیب کا تحفہ،خصوصی بچوں کو کمپیوٹر کی جدید تعلیم سے روشناس کروانا میرا مشن ہے،ڈاکٹر سہیل عزیز کا تقریب سے خطاب،تفصیلات کے مطابق بورے والا کے معروف پتھالوجسٹ سماجی شخصیت ڈاکٹر سہیل عزیز نے سپیشل ایجوکیشن سکول میں خطیر رقم سے اپنی نوعیت کی پہلی جدید کمپیوٹر لیب بنا کر خصوصی بچوں کے لئے گراں قدر تحفہ دے دیا پنجاب کے کسی بھی تحصیل ہیڈ کوارٹر پر سپیشل ایجوکیش سکول میں بننے والی یہ پہلی جدید کمپیوٹر لیب ہے جس میں قوت گویائی اور سماعت سے محروم سینکڑوں طلباءو طالبات اب دیگر نصابی تعلیم کے ساتھ ساتھ دور حاضر کے چیلنجوں کا مقابلہ کرنے کیلئے کمپیوٹر کی جدید تعلیم حاصل کریں گے اس جدید کمپیوٹر لیب کی افتتاحی تقریب گذشتہ روز منعقد ہوئی جس کا افتتاح ڈاکٹر سہیل عزیز کی والدہ اور اہلیہ نے کیا جس میں شہر کی معروف سماجی شخصیت شیخ شہزاد مبین،چوہدری منظوراحمد،چیئرمین انکروچمنٹ کمیٹی میاں خالد حسین،جنرل سیکرٹری پریس کلب و ”ایمرا“ چوہدری اصغر علی جاوید،کونسلر بلدیہ جاوید اقبال قادری اور دیگر شخصیات نے شرکت کی اس موقع پر ڈاکٹر سہیل عزیز نے اپنے خطاب میں کہا کہ خصوصی بچوں کو اس معاشرے کا ایک ذمہ دار اور باوقار شہری بنانے میں کوئی کسر اٹھا نہ رکھی جائے گی قبل ازیں ان بچوں کے لئے ایک ایکٹیوٹی روم کا تحفہ دیا تھا اپنی والدہ کی خواہش پر ان خصوصی بچوں کو تعلیم کے حصول میں مطلوبہ جدید سہولتوں کی فراہمی اور انکی محرومیوں کا ازالہ کرنا ہمارا مشن ہے جس کیلئے اپنے اور دوستوں کے وسائل کو ہر ممکن طور پر بروئے کار لائیں گے انکی سماجی خدمات کے پیچھے والدہ کی راہنمائی اور دعائیں شامل ہیں۔