ایس ایچ او تھانہ ماچھیوال کیخلاف کارروائی نہ کی گئی تو ملتان روڈ پر احتجاجی دھرنا دیں گے۔متاثرہ خاندان
بورے والا(چوہدری اصغر علی جاوید سے)آتش بازی کے دوران جاں بحق غریب محنت کش کے ورثاء پر پولیس تشدد اور اختیارات کا ناجائز استعمال کرنے والے ایس ایچ او کیخلاف کوئی کارروائی نہ ہو سکی،متاثرہ خاندان اور اہل علاقہ نے ایس ایچ او کیخلاف کارروائی کیلئے 24گھنٹے کی ڈیڈ لائن دیدی،کارروائی نہ ہوئی تو خواتین اور بچوں کے ہمراہ ملتان روڈ پر احتجاجی دھرنا دیں گے، ورثاء کی میڈیا سے گفتگو،تفصیلات کے مطابق نواحی آبادی مرضی پورہ گلی نمبر8کا رہائشی محمد بوٹا جو کہ مہندی کی تقریب میں آتش بازی کا گولہ لگنے سے جانبحق ہو گیا تھا اسکے قریبی رشتہ دار وں اور ورثاء حاجی محمد اشرف،حاجی عبدالغنی،شکیل انصاری اور اہل علاقہ نے میڈیا سے گفتگو کرتے ہوئے کہا کہ ایس ایچ او تھانہ ماچھیوال چوہدری عبدالرشید نے ملزمان گرفتار کرنے کی آڑمیں انکے گھروں میں داخل ہو کر جس ظلم وبربریت کا مظاہرہ کیا اور عورتوں کی بے حرمتی کی تھی اسکے خلاف ضلع وہاڑی پولیس حکام نے کارروائی کی یقین دہانی کروائی تھی لیکن پولیس احکام نے تاحال ایس ایچ او کے کیخلاف کوئی بھی کارروائی نہی کی جو کہ سراسر زیادتی ہے اس پولیس گردی نے ذمہ دار ایس ایچ او کو معطل کرکے کارروائی نہ کی گئی تو 24گھنٹوں بعد ہم ملتان روڈ پر احتجاجی دھرنا دینے پر مجبور ہونگے۔
About Author
