پی ٹی آئی کی عوام میں روز بروز بڑھتی ہوئی مقبولیت سے (ن)لیگی پٹواری خوفزدہ ہیں۔خالد چوہان،مصطفےٰ بھٹی

بورے والا(چوہدری اصغر علی جاوید سے)تحریک انصاف کے ضلعی صدر چوہدری خالد محمود چوہان اور بلدیہ کے اپوزیشن لیڈر و امیدوار صوبائی اسمبلی غلام مصطفےٰ بھٹی نے کہا ہے کہ (ن)لیگ کا کھیل ختم ہو چکا ہے،عمران خان کی قیادت میں الیکشن سے قبل جاری ممبر سازی مہم (ن)لیگ کی نام نہاد عوامی مقبولیت کا پول کھول دی گی،ممبر سازی کے لیے ہر محلے،گاﺅں اور وارڈ کی سطح پر کیمپ لگائے جائیں گے جس میں پارٹی کی جانب سے دیئے گئے ہدف سے کئی گنا زائد ممبر بنائے جائیں گے،پی ٹی آئی کی عوام میں روز بروز بڑھتی ہوئی مقبولیت سے (ن)لیگی پٹواری خوفزدہ ہیں آئندہ انتخابات میں پارٹی جسے بھی ٹکٹ دے گی کارکنان اسکی کامیابی کیلئے متحد ہو کر جدوجہد کریں گے،عمران خان کے پیغام کو گھر گھر پہنچانا ہمارا مشن ہے کارکنان کو چاہئیے کہ وہ اس ممبر سازی مہم میں بڑھ چڑھ کر حصہ لیں،ان خیالات کا اظہار انہوں نے محمد حسین ٹاﺅن میں ڈیرہ غلام مصطفےٰ بھٹی شاہ فیصل کالونی میں منعقدہ مہم سازی کیمپ کا افتتاح کرنے کے بعد کارکنان سے خطاب کرتے ہوئے کیا اس موقع پر تحصیل صدر طارق محمود باجوہ، سٹی صدر ملک فاروق اعوان،سٹی جنرل سیکرٹری سردار راشد عظیم،جاوید اقبال قادری،افتخار مٹھو بھٹی اور دیگر راہنما بھی موجود تھے۔