ڈاکٹرز کا کام انسانیت کی خدمت ہے ہمیں نیک نیتی سے اپنا فرض ادا کرتے رہنا چاہئے۔ڈاکٹر محمد اشرف نظامی

بورے والا(چوہدری اصغر علی جاوید سے)پاکستان میڈیکل ایسوسی ایشن کے مرکزی صدر ڈاکٹر محمد اشرف نظامی نے کہا ہے کہ ڈاکٹروں نے نامساعد حالات کے باوجود ہمیشہ ملک میں جمہوری روایات کے فروغ اور تسلسل کیلئے جدوجہد کی ہے احتجاج اور ہڑتالیں کوئی اچھی روایت نہیں لیکن ڈاکٹرز کی ہڑتال کے وقت جو بیوروکریسی اُنکے خلاف کاروائیاں کرتی رہی آج وہ خود ہر احتجاج کا راستہ کیوں اختیار کر رہی ہے ہر شخص کو اپنے پیشے میں عزت وقار کے حصول کے لیے پیسہ کمانے کو ہرگز ترجیح نہیں دینی چاہئے حکومت کی طرف سے بنائی جانے والی صحت پالیساں عوام اور اس شعبہ سے وابستہ افراد کی مشکلات کو کم کرنے کے لیے ہونی چاہئیں لیکن ہیلتھ کیئرکمیشن کی جانب سے ڈاکٹرز اور ہسپتالوں پر عائد کی جانے والی کئی پابندیاں مسائل میں اضافے کا باعث بن رہی ہیں ہیلتھ کیئرکمیشن کا ڈاکٹرز کے ساتھ نامناسب رویہ بھی قابل مذمت ہے ڈاکٹرز کا کام انسانیت کی خدمت ہے جس میں ہمیں نیک نیتی سے اپنا فرض ادا کرتے رہنا چاہئے،ان خیالات کا اظہار انہوں نے پی ایم اے بورے وال اکے نو منتخب عہدیداران کی تقریب حلف برداری سے خطاب کرتے ہوئے کیا تقریب سے نومنتخب صدر ڈاکٹر محمد اعظم میاں،جنرل سیکرٹری ڈاکٹر خالد مقصود اور سابق صدر ڈاکٹر محمد اشرف چوہدری نے بھی خطاب کیا مہمان خصوصی ڈاکٹر محمد اشرف نظامی نے پی ایم اے کے عہدیداران صدر ڈاکٹر اعظم میاں،نائب صدر ڈاکٹر اظہر امین،جنرل سیکرٹری ڈاکٹر خالد مقصود،جوائنٹ سیکرٹری ڈاکٹر غلام نبی عابد،فنانس سیکرٹری ڈاکٹر عمران سمیع اللہ اور کلینیکل سیکرٹری ڈاکٹر معصب عالم سے اُنکے عہدوں کا حلف لیا اس تقریب میں ایم این اے چوہدری نذیر احمد آرائیں،این پی اے چوہدری محمد یوسف کسیلیہ،سابق ایم پی اے ملک نوشیر خاں لنگڑیال،وائس چیئرمین بلدیہ حاجی محمد افتخار بھٹی،صدر بار میاں افتخار احمد صابر،سابق صدر بار محمد جاوید شاہین،پولیس چیف کوآرڈینٹر سہیل صابر چوہدری،چیئرمین انکروچمنٹ کمیٹی بلدیہ میاں خالد حسین،امیدوار صوبائی اسمبلی حلقہ پی پی 233سردار خالد محمود ڈوگر،محمد جمیل بھٹی،صدر پی ایم اے وہاڑی غلام حسین آصف،جنرل سیکرٹری ڈاکٹر عنایت علی،ڈاکٹر مقصود شیخ،ڈپٹی ایم ایس ڈاکٹر محمد عمران بھٹی،ڈاکٹر منیر احمد سندھو،ڈاکٹر شاہد اقبال،ڈاکٹر خالد محمود چوہدری اور دیگر نمائندہ شخصیات نے بھی شرکت کی۔