عدالت عظمیٰ نے تاریخ کے بدترین کرپٹ حکمران اور اُسکے خاندان سے قوم کو نجات دلا دی ہے ۔ خالد چوہان ، فاروق اعوان ، غلام مصطفےٰ

بورے والا(چوہدری اصغر علی جاوید سے)ضلعی صدر تحریک انصاف ضلع وہاڑی چوہدری خالد محمود چوہان نے کہا ہے کہ سپریم کورٹ کا فیصلہ عمران خان کے موقف کی تائید ہے عدالت عظمیٰ نے تاریخ کے بدترین کرپٹ حکمران اور اُسکے خاندان سے قوم کو نجات دلا دی ہے ملک میں کرپشن کے خاتمہ کیلئے عدالت عظمیٰ کا فیصلہ پاکستان کے روشن مستقبل کے لیے ایک سنگ میل ثابت ہو گا پی ٹی آئی نے ملک میں تبدیلی کا جو نعرہ لگایا تھا اُس تبدیلی کا آغاز ہو گیا ہے اب ملک دولت لوٹنے والوں کا کڑا احتساب ہونا چاہئے اور ملک سے لوٹی ہوئی اربوں روپے کی دولت کو ملک میں واپس لایا جائے ملک کو کرپشن اور کرپٹ مافیا سے نجات دلانے کے لیے عمران خان کی جدوجہد نتیجہ خیز ثابت ہوئی ہے عمران خان نے اپنا کام کر دکھایا ہے اب قوم کو چاہئے کہ آئندہ الیکشن میں کرپٹ مافیا کو مسترد کرکے ایماندار اور محب وطن قیادت کو آگے لائیں،ان خیالات کا اظہار انہوں نے سابق تحصیل نائب ناظم اپوزیشن لیڈر بلدیہ بورے والا غلام مصطفےٰ بھٹی کی رہائش گاہ پر منعقدہ جشن فتح کی تقریب سے خطاب کرتے ہوئے کیا تقریب میں پی ٹی آئی کے ترانوں پر لیگی کارکنان نے رقص کیا مٹھائیاں تقسیم کرنے کے علاوہ آتش بازی بھی کی گئی اس تقریب میں تحصیل صدر پی ٹی آئی طارق محمود باجوہ ،سٹی صدر ملک فاروق اعوان،سنیئرنائب صدر امجد خاں ڈھڈی،بلدیہ بورے والا کے ڈپٹی اپوزیشن لیڈر سردار راشد عظیم،کونسلرز بلدیہ شہباز حسین باجا بھٹی،شکیل حشمت،محمد عاشق کمبوہ اور دیگر پارٹی راہنما بھی موجود تھے۔