سانحہ قصور اور بورے والا میں طالبعلم سے زیادتی و قتل کے ملزمان کی گرفتاری پر شہریوں کا ڈی پی او اور اُنکی ٹیم کو خراج تحسین
بورے والا(چوہدری اصغر علی جاوید سے)ڈی پی او وہاڑی کی تھانہ سٹی میں کھلی کچہری،گھریلو لڑائی جھگڑوں اور لین دین کے تنازعات کی شکایات پر فوری احکامات،موقع پر مقدمات درج،سانحہ قصور اور بورے والا میں طالبعلم سے زیادتی و قتل کے ملزمان کی گرفتاری پر شہریوں کا ڈی پی او وہاڑی اور اُنکی ٹیم کو خراج تحسین،علی منظور قتل اور زیادتی کیس کے تمام تر حقائق سامنے لانے کی ہدایت،تفصیلات کے مطابق تھانہ سٹی بورے والا میں گذشتہ روز ڈی پی او وہاڑی عمر سعید ملک کی جانب سے لگائی گئی کھلی کچہری میں زیادہ تر شکایات و درخواستیں گھریلو تنازعات، لین دین اور متعدد مقدمات میں ملزمان کی عدم گرفتاری کے متعلق تھیں جن میں ڈی پی او وہاڑی نے تھانہ شیخ فاضل کے مقدمہ نمبر31/14 میں اشتہاری ملزم کی گرفتاری میں غفلت برتنے پر سب انسپکٹر مقدمہ کے تفتیشی تاج محمد کو فوری طور پر معطل کر کے ملزم کی 10روز میں گرفتاری یقینی بنانے کے احکامات جاری کیے دیگر شکایات پر بھی فوری احکامات کے علاوہ متعدد درخواستوں پر موقع پر ہی مقدمہ درج کیے گئے اس کھلی کچہری سے خطاب کرتے ہوئے ڈی پی او وہاڑی عمر سعید ملک نے کہا کہ حکومت نے ہمیں جو وسائل،تنخواہیں اور دیگر مراعات دی ہیں اُنکے بدلے میں ہمیں عوام کو مفت اور فوری انصاف کی فراہمی کے تمام تقاضے پورا کرنا ہیں عوام کی توقعات کے مطابق نتائج دینا ہماری ذمہ داری ہے خادم اعلیٰ پنجاب اور آئی جی پنجاب کے ویژن کے مطابق ہمیں عوام کو انکے گھر کے قریب انصاف کی فراہمی یقینی بنانا ہے ضلع وہاڑی پولیس کو کرپشن سے پاک کرنے،تھانہ کلچر کی تبدیلی،مقدمات کی تفتیش کے اخراجات کا بوجھ برداشت کرنے،تھانوں کی حالت زار بہتر بنانے،پولیس تھانوں کو نئی گاڑیوں کی فراہمی اور پولیس فنڈز کا شفاف استعمال کرتے ہوئے تمام ممکنہ اقدامات اٹھائے جا رہے ہیں جس کا براہ راست عوام سسٹم کو مد نظر رکھ کر کی جا رہی ہیں سفارش پر ہونے والے تبادلے و تعیناتیاں سسٹم کی خرابی کا باعث بنتی ہیں جس نظام کا عوام کو فائدہ نہ ہو وہ نظام نہیں چل سکتا عوام کو چاہئے کہ وہ حقائق پر مبنی شکایات کریں اور اپنے مقدمات کے اندراج یا تفتیش میں کسی پولیس اہلکار کو رشوت نہ دیں جو پولیس اہلکار تنگ کرے اُسکی شکایت براہ راست مجھے کریں کرپٹ،نااہل اور کام چور اہلکاروں کے لیے محکمہ میں کوئی جگہ نہیں کھلی کچہری میں ایس پی انوسٹی گیس،زبیدہ پروین،ڈی ایس پی طاہر مجید ملک،سجاد احمد ٹکا،ضلعی صدر انجمن تاجران محمد جمیل بھٹی،صدر بار میاں افتخار احمد صابر،جنرل سیکرٹری رانا محمد سلیم اور دیگر نمائندہ شخصیات بھی موجود تھیں کھلی کچہری میں شہریوں نے قصور زینب قتل کیس اور بورے والا میں طالبعلم علی منظور سے زیادتی اور قتل کے ملزمان کی گرفتاری پر ڈی پی او وہاڑی عمر سعید ملک،ایس ایچ او تھانہ سٹی محمد فیضان اور اُنکی پوری ٹیم کو مبارک باد دی۔
About Author
