محکمہ انہار نے شہر کے وسط سے گزرنے والی نہر کی بھل صفائی کے نام پر شہریوں کو دوہرے عذاب میں مبتلا کر دیا
بورے والا(چوہدری اصغر علی جاوید سے)محکمہ انہار نے شہر کے وسط سے گزرنے والی نہر کی بھل صفائی کے نام پر شہریوں کو دوہرے عذاب میں مبتلا کر دیا،نہر کی بھل اور کوڑا کرکٹ نکال کر شہباز شریف منی بائی پاس پر پھینک دیا،جگہ جگہ کیچڑ اور بدبودار کوڑے نے علاقہ مکینوں اور راہگیروں کا ناک میں دم کر دیا،شہری سراپا احتجاج،تفصیلات کے مطابق بورے والا شہر کے وسط سے گزرنے والی راجباہ جس کے دونوں جانب 40کروڑ سے زائد کی لاگت سے دو رویہ شہباز شریف منی بائی پاس سڑک بنائی جا رہی ہے محکمہ انہار کے حکام کی اور عملہ کی مجرمانہ غفلت اور لاپرواہی کی وجہ سے سالانہ بھل صفائی کا جو کام شروع کیا گیا ہے اس نے شہریوں کے ناک میں دم کر دیا ہے نہر سے نکالی جانے والی بھل اور کوڑا کرکٹ وہاں سے اٹھا کر لے جانے کی بجائے نہر کے کناروں اور سڑک پر پھینک دیا گیا ہے جس سے بری طر ح کیچڑ سڑک پر پھیل گیا ہے اور سڑک بھی تباہ ہو کر رہ گئی ہے یہاں سے پیدل گزرنا تو درکنار چھوٹی بڑی گاڑیوں کا گزرنا بھی محال ہو چکا ہے سڑک پر پھیلا یہ کیچڑ دھوپ لگنے کے بعد خشک ہو کر دھول کی صورت میں اڑنا شروع ہو جاتا ہے جس سے علاقہ مکین سانس اور گلے کے امراض کا شکار ہو رہے ہیں مقامی شہری تنظیموں گلوبل یوتھ آرگنائزیشن،ایس ڈبلیو سی ڈی ایس،آواز تحصیل فورم، انجمن شہریاں اور دیگر تنظیموں نے اس مجرمانہ غفلت کے مرتکب اہلکاروں کے خلاف فوری کاروائی کا مطالبہ کیا ہے۔
About Author
