رینالہ خورد پولیس کا مبینہ پولیس مقابلہ،رینالہ خورد پولیس کے ہاتھوں مبینہ مقابلے میں ہلاک کیے گئے غریب محنت کش کے ورثاء کا احتجاجی مظاہرہ

بورے والا(چوہدری اصغر علی جاوید سے)پنجاب پولیس کا ایک اور مبینہ پولیس مقابلہ،رینالہ خورد پولیس کے ہاتھوں مبینہ مقابلے میں ہلاک کیے گئے غریب محنت کش کے ورثاء کا احتجاجی مظاہرہ، مقابلہ میں مارے گئے،دو بچوں کے باپ کو مبینہ طور پر تشدد سے ہلاک کئے جانے کے بعد سر میں گولی مار کر پولیس مقابلہ بنا دیا،اہل علاقہ،جسم پر تشدد کے نشانات اور بازو بھی ٹوٹا ہوا ہے،پولیس چند روز قبل بابر کو لے کر ملحقہ گاﺅں 120ای بی میں گھومتی رہی،بابر گھر کا واحد کفیل تھا اور رینالہ خورد میں شوارما اور سموسے کی دوکان بنا رکھی تھی،والدین،بیوہ اور اہل علاقہ کا چیف جسٹس سے فوری نوٹس لینے کا مطالبہ،تفصیلات کے مطابق بورے والا کے نواحی گاﺅں 132ای بی کے محنت کش محمد نور کے 30سالہ بیٹے بابر ظہیر کو گذشتہ روز رینالہ خورد پولیس نے ایک مبینہ مقابلے کے دوران ہلاک کر دیا تھا پولیس کا الزام تھا کہ وہ مختلف سنگین مقدمات میں ملوث تھا اور وہ اپنے ایک ساتھی کے ہمراہ پولیس کے ساتھ مقابلہ کرتے ہوئے مارا گیا جب مقابلے میں ہلاک کیے گئے بابر ظہیر کی نعش اُنکے گاﺅں پہنچی تو کہرام برپا ہو گیا اس مبینہ پولیس مقابلے کے خلاف اُسکے ورثاءنے اہل علاقہ کے ہمراہ نعش رکھ کر احتجاجی مظاہرہ کیا مظاہرے میں شریک بابر ظہیر کے والد محنت کش محمد نور نے بتایا کہ اُسکا بیٹا اپنے سسرال رینالہ خورد میں شوارمے اور سموسے کا کام کرتا تھا اور اُسے چھ روز قبل پولیس تھانہ سٹی رینالہ نے وہاں سے گرفتار کیا اور نامعلوم مقام پر لے جا کر اُس پر تشدد کرتے رہے تین روز قبل رینالہ پولیس اُسے ہمارے ملحقہ گاﺅں 120ای بی میں لے کر پھرتی رہی اور وہاں سے ایک نوجوان سے پستول برآمد کرکے مقامی بااثر لوگوں کی مداخلت پر اُسے چھوڑ دیا جبکہ گذشتہ روز انہوں نے جعلی پولیس مقابلہ بنا کر اُسے سر میں گولی مار کر ہلاک کر دیا لیکن بابر ظہیر کے جسم پر تشدد کے نشانات کے علاوہ اُسکا ایک بازو بھی ٹوٹا ہوا ہے جسے پولیس نے دوران تشدد ہلاک ہونے کے بعد پولیس مقابلہ بنا کر اُسکے سر میں گولی مار دی پولیس نے سراسر ظلم کیا ہے ہمارے بیٹے نے آج تک کوئی ایسا جرم نہیں کیا اور نہ ہی اُسکے خلاف کوئی مقدمہ تھا اب پولیس نے اپنی طرف سے اُسکے خلاف جھوٹے اور بے بنیاد مقدمات ڈال کر اُسے خطرناک ملزم ظاہر کر دیا ہے اہل علاقہ کے مطابق بابر ظہیر(شریف) لڑکا تھا اور اُس نے کبھی کسی سے کوئی جھگڑا نہ کیا اُسکے دو معصوم بچے ہیں جنہیں وہ محنت مزدوری کرکے پال رہا تھا پنجاب پولیس نے بھی کراچی پولیس کی طرح بے گناہ لوگوں کو مارنا شروع کر دیا ہے بابر ظہیر کے والد،والدہ اور بیوہ نے الزام عائد کیا ہے کہ اُسے بے گناہ قتل کیا گیا ہے اور وہ پورے گھر کا واحد کفیل تھا چیف جسٹس آف سپریم کورٹ سے اس جعلی پولیس مقابلے کا ازخود نوٹس لینے کا مطالبہ کیا ہے اس سلسلہ میں ایس ایچ او تھانہ سٹی رینالہ خورد آفتاب سے رابطہ کیا گیا تو انہوں نے کہا کہ مقابلہ ٹھیک ہوا ہے اگر کسی کو انصاف چاہئے تو عدالتیں موجود ہیں وہ عدالتوں سے رجوع کر لیں اس کے علاوہ میں کچھ نہیں بتا سکتا۔