نواحی گاﺅں 307ای بی کا واٹر فلٹریشن پلانٹ آٹھ سال سے بند،علاقہ مکین مضرِ صحت پانی پینے پر مجبور
بورے والا(چوہدری اصغر علی جاوید سے)نواحی گاﺅں 307ای بی کا واٹر فلٹریشن پلانٹ گذشتہ آٹھ سال سے بند،لوگ مضر صحت پانی پینے پر مجبور،علاقہ مکینوں کا وزیر اعلیٰ پنجاب اور دیگر اعلیٰ حکام سے فوری نوٹس لینے کا مطالبہ،تفصیلات کے مطابق بورے والا کے نواحی گاﺅں307ای بی کا واحد واٹر فلٹریشن پلانٹ پچھلے آٹھ سال سے بند پڑا ہے،علاقہ مکین مضر صحت پانی پینے پر مجبور ہیں،گاﺅں آبادی کے لحاظ سے تقریباً آٹھ ہزار چار سو سے زائد افراد پر مشتمل ہے جبکہ صاف پانی پینے کے لیئے کوئی سہولت میسر نہیں ہے واٹر فلٹریشن پلانٹ کی مرمت اور بحالی کے صرف ایک لاکھ بیس ہزار روپے کی لاگت سے گاﺅں کے لوگوں کو صاف پینے کے پانی کی سہولت میسر آسکتی ہیں جبکہ آٹھ سال سے بند واٹر فلٹریشن پلانٹ کی وجہ سے گاﺅں کے 58 سے زائد لوگ خراب اور گندہ پانی پینے سے وفات پاچکے ہیں اس کے باوجود کوئی بھی عوامی نمائندہ اور متعلقہ لوگ اس طرف توجہ نہیں دے رہے ہیں اور خاموش تماشائی بنے ہوئے ہیں اہل علاقہ اور سول سوسائٹی نے احتجاج کرتے ہوئے خادم اعلیٰ پنجاب،ڈی سی وہاڑی اور دیگر متعلقہ افسران سے نوٹس لینے اور گاﺅں کی آٹھ ہزار سے زائد افراد پر مشتمل آبادی کو ہیپاٹائٹس اور دیگر موضی امراض سے بچانے کے لیئے اپیل کی ہیں جلد اس کا نوٹس لیں انہوں نے اس امر کا اظہار کیا کہ یہ واحد واٹر فلٹریشن پلانٹ کی مرمت اور بحالی سے گاﺅں کے لوگوں کو صاف پینے کے پانی کی سہولت میسر آئے گی اور موضی امر اض سے چھٹکارا حاصل ہو گا۔
About Author
