سپیرئیر کالج کے زیر اہتمام سرکاری و نجی تعلیمی اداروں کے مابین سائنس کوئز مقابلے کا انعقاد
بورے والا(چوہدری اصغر علی جاوید سے)سپیرئیر کالج کے زیر اہتمام سرکاری و نجی تعلیمی اداروں کے مابین سائنس کوئز مقابلے کا انعقاد،دی سپرٹ سکول ماچھیوال بوائز اور ڈی پی ایس گرلز بورے والا نے پہلی پوزیشن حاصل کر لی،کامیاب طلباء و طالبات میں نقد انعامات اور شیلڈ تقسیم کی گئیں،سینکڑوں طلباء و طالبات کی شرکت،تفصیلات کے مطابق سپیرئیر کالج بورے والا کے زیر اہتمام قائد اعظم سٹیڈیم کے جمنیزیم میں سرکاری و نجی تعلیمی اداروں کے طلباء و طالبات کے مابین سائنس مضامین کے متعلق کوئز مقابلوں کا انعقاد کیا گیا اس تقریب کے مہمان خصوصی ڈائریکٹر سپیرئیر کالج ظل حسین اور پرنسپل کالج میاں آصف سردار تھے کونیئر مقابلوں میں گورنمنٹ ایم سی گرلز ہائی سکول،گرلز ہائی سکول 505ای بی،گرلز ہائی سکول 405ای بی،گرلز ہائی سکول 102ای بی،دی سپرٹ سکول ماچھیوال،گرلز ہائی سکول عظیم آباد،ایم سی گرلز ہائی سکول،بی ٹی ایم گرلز ہائی سکول،ارفہ سکول سسٹم،ڈی پی ایس،مرغوب ماڈل سکول،کریسنٹ ماڈل ہائی سکول اور دیگر تعلیمی اداروں کے طلباء و طالبات نے شرکت کی سائنس مضامین کے حوالہ سے منعقدہ ان کوئز مقابلوں میں دی سپرٹ سکول ماچھیوال اور ڈی پی ایس گرلز(بورے والا) نے پہلی پوزیشن حاصل کی جبکہ کریسنٹ ماڈل سکول اور ایم سی گرلز ہائی بورے والا اور گورنمنٹ بوائز ہائی سکول 495 ای بی نے حصہ لیا اول اور دوم آنے والے سکولوں کے طلباء و طالبات میں 10،10ہزار روپے کیش پرائز اور شیلڈ تقسیم کی گئیں جبکہ تیسری پوزیشن حاصل کرنے والے اداروں کے طلباء و طالبات میں بھی شیلڈ تقسیم کی گئیں تقریب سے خطاب کرتے ہوئے پرنسپل میاں آصف سردار نے کہا کہ سائنس مضامین کے ان کوئز مقابلوں سے طلباء و طالبات میں خود اعتمادی پیدا ہوتی ہے اور انکی معلومات میں اضافہ ہوتا ہے جس سے وہ عملی امتحانات میں نمایاں پوزیشنیں حاصل کر سکتے ہیں طلباء و طالبات کو سائنس مضامین کے حوالہ سے صحت مند مقابلوں کی طرف راغب کرنے سے اُنکی صلاحتیں نکھر کر سامنے آتی ہیں جدید دور کے تقاضوں کا مقابلہ کرنے کے لیے نئی نسل کو سائنس کے علوم بارے روشناس کروانا بہت ضروری ہے اس موقع پر مسعود عابد رشید،محمد کریم سیفی،قدیر ایڈمن،عبدالحئی بھٹی اور ایس ڈیلیو سی ڈی ایس کے صدر محمد شیر خان کھچی بھی موجود تھے۔
About Author
