قصور میں زینب کا واقعہ درندگی کی بدترین مثال ہے ایسے درندہ صفت مجرموں کو سرعام سزائیں دینا پڑیں گی۔کامران مائیکل
بورے والا(چوہدری اصغر علی جاوید سے)وفاقی وزیر شماریات و اقلیتی امور کامران مائیکل نے کہا ہے کہ آئندہ الیکشن اپنے مقررہ وقت پر ہونگے جس کے لیے مردم شماری کے ابتدائی نتائج کی روشنی میں نئی حلقہ بندیاں ہونگی اس حوالہ سے پارلیمنٹ نے دو تہائی اکثریت سے بل پاس کر دیا ہے اگر مردم شماری کے حتمی نتائج کا انتظار کیا جاتا تو وہ اپریل میں مکمل ہونا تھے جسکی بنیاد پر بروقت الیکشن ناممکن تھے اس لیے تمام سیاسی جماعتوں کی مشاورت سے مردم شماری کے ابتدائی نتائج کو سامنے رکھ کر جو حلقہ بندیاں ہونگی اس کے مطابق الیکشن ہونگے جس کے مطابق پنجاب میں 7جنرل اور 2خواتین نشستیں کم ہونگی لیکن اس کے باوجود پنجاب حکومت نے اس انتخابی اصلاحات بل پر کوئی اعتراض نہیں کیا،ان خیالات کا اظہار انہوں نے وفاقی پارلیمانی سیکرٹری برائے قانون و انصاف چوہدری نذیر احمد آرائیں کے دفتر میں صحافیوں سے گفتگو کرتے ہوئے کیا اس موقع پر چوہدری نذیر احمد آرائیں کے دفتر میں صحافیوں سے گفتگو کرتے ہوئے کیا اس موقع پر چوہدری نذیر احمد آرائیں،چیئرمین بلدیہ چوہدری محمد عاشق آرائیں،اقلیتی ممبر ضلع کونسل نذیر مسیح رندھاوا،ڈاکٹر اسلم پرویز بگا اور دیگر اقلیتی راہنما بھی موجود تھے انہوں نے کہا کہ قصور میں زینب کا واقعہ درندگی کی بدترین مثال ہے ایسے درندہ صفت مجرموں کو سرعام سزائیں دینا پڑیں گی پولیس اور سیکورٹی اداروں نے کئی مشکوک افراد کو حراست میں لے کر تفتیش شروع کی ہوئی ہے بچی زینب کے ڈی این اے ٹیسٹ کے مطابق جو نتائج موصول ہوئے ہیں اس سے ایک بات سامنے آ چکی ہے کہ یہ سیریل کلر کا شاخسانہ ہے جس شخص کے ڈی این اے کا رزلٹ پہلے چھ سات واقعات میں آیا ہے اس واقعہ میں بھی اسی شخص کا ڈی این اے میچ ہوا ہے پنجاب حکومت اس واقعہ پر بڑی سنجیدگی سے حقائق تک پہنچنے کی ہر ممکن کوشش کر رہی ہے اور حکومت کسی بھی بے گناہ شخص کو اس میں ملوث نہیں کرے گی قصور میں ہونیوالے اس واقعہ نے پوری قوم کو جھنجھوڑا ہے اور ہمیں ملکر ایسے واقعات کے تدارک کے لیے نئی نسل کو ان درندہ صفت بھیڑیوں سے بچانا ہوگا جس کے لیے انہیں آگاہی دینے کی ضرورت ہے۔
About Author
