نئی نسل کو جدید سائنسی علوم سے روشناس کروائے بغیر تعلیمی ترقی اور جدید دور کے تعلیمی تقاضوں کا مقابلہ ممکن نہیں۔راﺅ سلیم اختر
بورے والا(چوہدری اصغر علی جاوید سے)اسسٹنٹ کمشنر بورے والا راﺅ تسلیم اختر نے کہا ہے کہ نئی نسل کو جدید سائنسی علوم سے روشناس کروائے بغیر تعلیمی ترقی اور جدید دور کے تعلیمی تقاضوں کا مقابلہ ممکن نہیں،تعلیمی اداروں میں سائنس کی نصابی تعلیم کے ساتھ ساتھ طلباءو طالبات کو اسکے عملی پہلوﺅں بارے روشناس کروانا وقت کی اہم ضرورت ہے،دنیا میں جن قوموں نے ترقی کی ہے انہوں نے سائنس کے جدید علوم کے مطابق نسل نوکی تربیت کی ہے،موجودہ دور میں ہماری نئی نسل جس میں بے پناہ صلاحتیں موجود ہیں انکی جدید سائنسی خطوط پر تعلیم و تربیت بہت ضروری ہے،تعلیمی اداروں کو چاہئے کہ وہ نصاب تعلیم میں موجود سائنسی علوم کی عملی مہارت بارے طلباءو طالبات کے مابین صحت مند مقابلوں کو پروان چڑھائیں جس سے اُنکی عملی زندگی پر بھی دورس نتائج مرتب ہوں،ان خیالات کا اظہار انہوں نے گذشتہ روز کوثر مجید گرلز ہائی سکول 201ای بی میں منعقدہ سائنس میلہ کی تقریب سے خطاب کرتے ہوئے کیا تقریب کے میزبان ڈائریکٹر کوثر مجید گرلز ہائی سکول شیخ شہزاد مبین نے کہا کہ نئی نسل کو سائنس کے علوم بارے عملی تربیت وقت کی اہم ضرورت ہے نجی اور سرکاری تعلیمی اداروں میں یکساں طور پر جدید سائنس کے علوم کی تمام تر سہولتوں کی فراہمی سے مطلوبہ نتائج حاصل ہو سکتے ہیں تقریب سے ڈپٹی ڈی ای او مس عابدہ اسلام،ہیڈ مسٹریس گورنمنٹ گرلز ہائی سکول یعقوب آباد مس صدف نذیر،پرنسپل پنجاب کالج پروفیسر مجید اکبر اور پروفیسر کرامت شکیل نے بھی خطاب کیا اس تقریب میں پروفیسر (ر)جاوید اقبال خاں،وائس پرنسپل گورنمنٹ گرلز ہائس سیکنڈری سکول 269ای بی مس سلیم ناز، پروفیسر ظفر عبداللہ،پروفیسر خوشی محمد شہزاد،پرنسپل ڈی پی ایس پروفیسر صلا الدین چوہدری، چوہدری قیصر نذیر،شیخ معیض احمد اور دیگر نمائندہ شخصیات کے علاوہ مختلف تعلیمی اداروں کے طلباء و طالبات نے شرکت کی اس سائنس میلہ میں مختلف تعلیمی اداروں کے مابین سائنس ماڈلز بنانے کے مقابلے ہوئے جس میں الائیڈ سکول بورے والا نے پہلی،ڈی پی ایس نے دوسری اور گرلز ہائی سکول مدینہ کالونی نے تیسری پوزیشن حاصل کی اول،دوم اور سوم آنے والے سکولوں کو شیلڈز اور نقد انعامات بھی دئیے گئے۔
About Author
