ٹریفک حادثے کے ذمہ داروں کا تعین کر کے انکے خلاف کاروائی کی جائے گی۔علی اکبر بھٹی

بورے والا(چوہدری اصغر علی جاوید سے)ڈپٹی کمشنر وہاڑی علی اکبر بھٹی نے بورے والا تحصیل ہیڈ کوارٹر ہسپتال بورے والا میں ویگن حادثے کے زخمیوں کی تیمار داری کی اور انکو فراہم کی جانے والے علاج معالجہ کی سہولتوں کا جائزہ لیا انہوں نے سی ای او ہیلتھ ڈاکٹر شعیب الرحمٰن گرمانی،ایم ایس،ڈاکٹرز اور پیرا میڈ یکل سٹاف کو ہدایت کی کہ وہ پوری توجہ سے زخمیوں کا علاج کریں ڈپٹی کمشنر نے حا دثے میں جاں بحق ہونے والے مسافروں کی زندگیوں کے ضیاع پر افسوس کا اظہار کیا اور انکی مالی امداد کے لئے حکومت پنجاب کو کیس منظوری کے لئے بھجوائے جائیں گے ڈپٹی کمشنر علی اکبر بھٹی نے تحصیل ہیڈ کوارٹر ہسپتال کے ڈاکٹرز اور پیرا میڈیکل سٹاف کی طرف سے زخمیوں کو بروقت طبی امداد فراہم کرنے اور انکے فوری علاج پر اطمینان کا اظہار کیا ڈپٹی کمشنر علی اکبر بھٹی نے اس موقع پر میڈیا کے نمائندوں سے گفتگو کرتے ہوئے کہا کہ اگر ہمارے ادارے اچھے طریقے سے کام کریں تو بہت سے معاملات درست ہو سکتے ہیں اور اس سے ٹریفک حادثات میں بھی کمی ہو سکتی ہے انہوں نے مزید کہا کہ اس ٹریفک حادثے کے ذمہ داروں کا تعین کر کے انکے خلاف کاروائی کی جائے گی ہمارے تمام اداروں کو ذمہ داری کا مظاہرہ کرتے ہوئے عوام کی خدمت اور تحفظ کرنا چاہیے ڈپٹی کمشنر علی اکبر بھٹی نے مزید کہا کہ ٹی ایچ کیو ہسپتال بورے والا میں مزید سہولیات فراہم کی جائیں گی صحافیوں کی طرف سے مسائل کی نشاندہی پر ڈپٹی کمشنر نے کہا کہ عوامی مسائل ترجیحی بنیادوں پر حل کئے جائیں گے غیر قانونی آئل ایجنسیوں اور گیس ری فلنگ کے معاملے پر ڈپٹی کمشنر نے کہا کہ انکے خلاف فوری ایکشن لیا جائے گا اور انکا خاتمہ کیا جائے گا کیونکہ یہ شہریوں کی زندگیوں کے لئے سنگین خطرہ ہے ڈپٹی کمشنر نے ٹی ایچ کیو ہسپتال بورے والا کے ایمرجنسی وارڈ،ہارٹ وارڈ اور سی سی یو کا بھی معائنہ کیا اور مر یضوں کو فراہم کی جانے والی ہولیات کا بھی جائزہ لیا اس موقع پر اسسٹنٹ کمشنر بو رے والا راﺅ تسلیم اختر،ایم ایس ڈاکٹر امجد اور ڈی ایم ایس ڈاکٹر عمران بھی موجو د تھے۔