بے نظیر بھٹو(شہید) آج بھی کروڑوں عوام،پارٹی ورکروں اور سیاستدانوں کے دلوں میں زندہ ہیں۔شگفتہ چوہدری
بورے والا(چوہدری اصغر علی جاوید سے)پیپلز پارٹی جنوبی پنجاب کی فنانس سیکرٹری اور امیدوار قومی اسمبلی حلقہ این اے167 محترمہ شگفتہ چوہدری،سٹی صدر طاہر سلیم چوہدری،جنرل سیکرٹری محمد سلیم قریشی اور نعیم احمد نعیم نے کہا ہے کہ شہید جمہوریت سابق وزیر اعظم محترمہ بے نظیر بھٹو(شہید) پاکستان کی ہی نہیں دنیا اسلام بلکہ عالمی لیڈر تھیں انکا خلا کبھی پورا نہیں ہو گا،ملکی اور بین الاقوامی سیاست میں انکی کمی ہمیشہ محسوس ہو گی،ان خیالات کا اظہار انہوں گذشتہ روز فوارہ چوک میں پی پی پی کے آفس میں شہید محترمہ بے نظیر بھٹو کی دسویں برسی کے موقع پر دعائیہ تقریب سے خطاب کرتے ہوئے کیا تقریب سے چوہدری بشیر احمد باجوہ اور دیگر نے بھی خطاب کیا اس موقع پر مرزا شکیل،محمد عاشق انصاری،مقصود احمد ساجد،شوکت مرزا ڈی ایس پی ریٹائرڈ،محمد صدیق،محمد اکرم ٹکا کے علاوہ دیگر بھی موجود تھے انہوں نے کہا کہ شہید محترمہ بے نظیر بھٹو نے قائد جمہوریت پیپلز پارٹی کے بانی چیئرمین شہید ذوالفقار علی بھٹو کے نقش قدم پر چلتے ہوئے ملک سے غربت،دہشت گردی،آمریت کے خاتمہ اور جمہوریت کی بحالی کیلئے بھرپور جدوجہد کی انہوں نے اپنی جان کی پرواہ نہ کرتے ہوئے دھمکیوں کے باوجود عوام اور ملک سے دور رہنے کی بجائے اپنے وطن کو ترجیح دی عوام کے حقوق اور جمہوریت کی بحالی کے لیے اپنی جان بھی قربان کر دی عالم اسلام میں بے نظیر بھٹو جیسی شخصیت کو ڈھونڈنا مشکل ہے بے نظیر بھٹو شہید آج بھی کروڑوں عوام،ملک،پارٹی ورکروں اور سیاستدانوں کے دلوں میں زندہ ہیں تقریب کے اختتام پر محترمہ کی روح کو ایصال ثواب اور درجات کی بلندی کے لیے فاتحہ خوانی کی گئی اور غرباء میں نیاز تقسیم کی گئی۔
About Author
