اسسٹنٹ کمشنر گنے کی کم ریٹ پر خریداری کرنے والے کنڈا مالکان کے خلاف کاروائی کریں۔سردار اقبال ڈوگر

بورے والا(چوہدری اصغر علی جاوید سے)شوگرز مل مالکان کے ہاتھوں کاشتکاروں کا استحصال جاری ہے،وزیر اعلیٰ پنجاب میاں محمد شہباز شریف کے احکامات کی روشنی میں اسسٹنٹ کمشنر بورے والا گنے کی کم ریٹ پر خریداری کرنے والے کنڈا مالکان کے خلاف کاروائی کریں،ان خیالات کا اظہار چیئرمین یوسی سردار محمد اقبال ڈوگر ایڈووکیٹ نے گذشتہ روز چیچہ وطنی روڈ سے تعلق رکھنے والے مختلف چکوک 401،403،405،407 اور 411ای بی کے کاشتکاروں طالب حسین، شینہ،محمد حنیف ساکنان 50کے بی،محمد شاہد،الطاف حسین،ساکنان غفور واہ،منظور حسین،محمد رستم اور باقر علی ساکنان 106ای بی کے ہمراہ کیا انہوں نے کہا کہ کچی پکی،پل کھادر،لنڈو مسجد ،جملیرا روڈ چک نمبر 267ای بی پر کنڈا مالکان 140،145روپے سے زائد ریٹ پر گنے کی خریداری نہیں کر رہے ہیں اور اس پر 20فیصد کاشتکاروں سے کٹوتی بھی کی جاتی ہے اور کنڈا مالکان کی لوٹ مار جاری ہے کاشتکاروں نے مزید کہا کہ ہم نے فصل کاشت کرنے کے لیے بنکوں سے جو قرضے لیے تھے ان کی واپسی 31دسمبر تک کرنی ہے اور بنکوں کی جانب سے قرضوں کی واپسی کے لیے ان پر سختی کی جا رہی ہے جس کا فائدہ اٹھاتے ہوئے شوگر مل مالکان اور کنڈا مالکان ان کو بلیک میل کر کے انتہائی کم ریٹوں پر گنے کی خریداری کر رہے ہیں جبکہ جہانگیر ترین کی مل مقامی کاشتکاروں سے گنے کی خریداری ہی نہیں کر رہی انہوں نے کہا کہ ڈپٹی کمشنر وہاڑی اور اسسٹنٹ کمشنر بورے والا کاشتکاروں کو گنے کی خرید کا مقرر کردہ ریٹ180 روپے پر عملدرآمد کروائے اور زمینداروں کا استحصال بند کیا جائے۔