نواحی آبادی بیرکی کا فٹ بال گراﺅنڈ گندے پانی کا جوہڑ بن گیا،تعفن سے اہل علاقہ کا جینا دوبھر ہو گیا
بورے والا(چوہدری اصغر علی جاوید سے)نواحی آبادی بیرکی کا فٹ بال گراﺅنڈ گندے پانی کا جوہڑ بن گیا،تعفن سے اہل علاقہ کا جینا دوبھر ہو گیا اور ،تفصیلات کے مطابق چک نمبر 445ای بی اور بیرکی میں واقعہ فٹ بال گراﺅنڈ جہاں پر کئی ملحقہ آبادیوں کے نوجوان فٹ بال کھیلتے تھے ان آبادیوں میں نکاسی آب کا انتظام نہ ہونے کی وجہ سے گندہ پانی گراﺅنڈ میں چھوڑ دیا اور وہ ایک بہت بڑے جوہڑ کی شکل اختیار کر گیا جس کے تعفن اور بدبو کی وجہ سے علاقہ کے مکین اور ایک تعلیمی ادارے کے طلباء شدید پریشان اور مشکلات سے دوچار ہیں اہل علاقہ کے نمائندہ افراد ڈاکٹر شاہد لطیف،محمد عمران،ذوالفقار،عدنان ڈوگر،عظمت سومرو،غلام حسین،بیرکی،زاہد آباد 445 ای بی اور دیگر نے فٹ بال گراﺅنڈ جس کو گندے اور زہر آلودہ پانی نے ایک جوہڑ میں تبدیل کر دیا ہے انہوں نے احتجاج کرتے ہوئے بتایا کہ تعفن تو پہلے بہت تھا مگر اب پانی آبادیوں میں داخل ہونا شروع ہو چکا ہے جس سے گھروں کی دیوارو ں کو نقصان ہو رہا ہے اسکے علاوہ زمین کا پانی بری حد تک خراب ہو چکا ہے اور روڈ سے گزرنا مشکل ہو گیا ہے جبکہ بلدیہ اہلکار پورے شہر کا کوڑا کرکٹ بھی اسی میں پھینک رہے ہیں جسکی وجہ سے بچے بڑھے آئے روز پیٹ کی بیماریوں کا شکار ہو رہے ہیں جن کا کوئی حال نہیں ہے علاقہ کے نوجوان فٹ بال کھلاڑی گراﺅنڈ نہ ہونے سے در بدر ہیں اور انہوں نے اعلی حکام اور چیئرمین بلد یہ سے درخواست کی ہے کہ اس کا فوری طور پر نوٹس لے کر اسے حل کیا جائے۔
About Author
