مسجد اقصیٰ کو یہود و نصاری سے چھڑوانا امت مسلم کے حکمرانوں کا فریضہ اول ہے۔حافظ غلام اللہ محمدی

بورے والا(چوہدری اصغر علی جاوید سے)مرکزی جمعیت اہلحدیث ضلع وہاڑی کے امیر حافظ غلام اللہ محمدی نے کہا ہے کہ مسجد اقصیٰ کو یہودو نصاری سے چھڑوانا امت مسلم کے حکمرانوں کا فریضہ اول ہے اگر حکمران اس سے پہلو تہی کریں تو انہیں حکمرانی کرنے کا کوئی حق نہیں رہتا،دوسرے نمبر پر مسلم ملکوں میں پنپنے والی اسلامی تحریکوں کے ذمہ داران کا بھی فریضہ ہے کہ وہ اس سلسلہ میں اپنا منصبی کردار ادا کرتے ہوئے مضبوط و منظم لائحہ عمل طے کر کے عوام کی راہنمائی کریں،ان خیالات کا اظہار انہوں نے مقامی ہوٹل میں اہلحدیث سٹوڈنٹس فیڈریشن ضلع وہاڑی کے زیر اہتمام مسجد اقصی سے اظہار یکجہتی کے لئے منعقدہ سیمینار سے خطاب کرتے ہوئے کیا سیمینار سے ضلعی ناظم اعلیٰ مولانا ابوتراب،امیر شعبہ تبلیغ اے وائی ایف پاکستان مولانا اسماعیل عتیق،ضلعی نائب امیر پروفیسر احمد کامران تھہیم،ضلعی صدر ایف وائی ایف رانا راشد احسان،اے ایس ایف پنجاب کے نائب صدر حذیفہ حیدر محمدی،جمعیت طلبہ اسلام کے تحصیل صدر شیخ حیدر،تحصیل امیر وہاڑی ڈاکٹر عامر رشید،مرکزی ذمہ دار اے وائی ایف ضیاءالرحمان ارشد اور دیگر مقررین نے خطاب کرتے ہوئے کہا کہ مسلمان جب اپنی عبادت گاہوں کے تقدس کا خیال نہیں کرتے تو کفر ان کے مقدس مقامات پر حملہ کی ناپاک جسارت کرتا ہے لیکن کفر سن لے مسلمان اب جاگ چکے ہیں اور مسلمانوں کا بچہ،بوڑھا اور جوان بیت المقدس،قبلہ اول پر جان نچھاور کرنے کے لئے تیار ہے دریں اثناءضلع وہاڑی کے ناظم شعبہ دعوت و اصلاح حافظ محمد عثمان نے تمام طلباءسے مسجد اقصیٰ کے ساتھ اظہار یکجہتی کا عہد لیااور اپنے بزرگوں کی قیادت میں ضلع بھر میں اس تحریک کو سرگرم کرنے کا وعدہ کیا۔