ہمارے ادارے کا بنیادی مقصد ٹیکس اکٹھا کرنا اور اسے حکومت تک پہنچانا ہے۔عاطف بشیر

بورے والا(چوہدری اصغر علی جاوید سے)کمشنر ان لینڈ ریونیو عاطف بشیر نے کہا ہے کہ ہمارے ادارے کا بنیادی مقصد ٹیکس اکٹھا کرنا اور اسے حکومت تک پہنچانا ہے تا کہ ملک کا نظم و نسق بہتر انداز میں چلایا جا سکے،ان خیالات کا اظہار انہوں نے بورے والا آمد پر ساہیوال ٹیکس بار ایسوسی ایشن کے نائب صدر چوہدری عمران ستار ایڈووکیٹ کی قیادت میں ٹیکس وکلاء کے وفد سے ملاقات کے موقع پر گفتگو کرتے ہوئے کیا کمشنر ان لینڈ ریونیو عاطف بشیر نے مزید کہا کہ ہمارا مقصد ٹیکس گزاروں کو سہولت دینا اور نئے لوگوں کو ٹیکس نیٹ میں لانا ہے اس کے ساتھ ساتھ انہوں نے وکلاءکو یقین دہانی کرائی کہ غیر ضروری نوٹسز سے گریز کیا جائے اور زیر التواءکیسز کو جلد از جلد نمٹایا جائے گا تا کہ ٹیکس گزار کی مشکلات کو کم کرنے کے ساتھ ساتھ حکومتی آمدن میں بھی اضافہ کیا جا سکے اس موقع پر انہوں نے انکم ٹیکس آفیسر بورے والا چوہدری مظہر اقبال کو زیر التوا مقدمات کو جلد از جلد نمٹانے کی ہدایات جاری کیں چوہدری عمران ستار ایڈووکیٹ نے کہا کہ ہمارا ملک جن حالات سے گزر رہا ہے اس میں زیادہ سے زیادہ لوگوں کو ٹیکس نیٹ میں انے اور اپنا قومی فریضہ ادا کرنے کی ضرورت ہے وکلاءبرادری نے مکمل تعاون کی یقین دہانی کرائی۔