ٹریفک قوانین کی خلاف ورزی کرنیوالوں کے خلاف انتظامیہ نے سخت ایکشن لینے کا فیصلہ کر لیا

بورے والا(چوہدری اصغر علی جاوید سے)شہر میں بغیر رجسٹریشن رکشوں،بلا لائسنس رکشہ ڈرائیورز اور ٹریفک قوانین کی خلاف ورزی کرنیوالوں کے خلاف انتظامیہ نے سٹیک ہولڈرز کے تعاون سے سخت ایکشن لینے کا فیصلہ کر لیا،بغیر رجسٹریشن رکشوں کو تھانوں میں بند کیا جائے گا،بغیر لائسنس،کم عمر اور نشہ کے عادی ڈرائیورز کو گرفتار کر کے ان کے خلاف مقدمات درج کئے جانے کی منظوری،رکشہ مالکان اور ڈرائیورز کو چھ دن کی مہلت دیدی گئی،تفصیلات کے مطابق شہر اور اسکے مضافات میں بے ہنگم بغیر رجسٹریشن رکشوں اور بلالائسنس و کم عمر رکشہ ڈرائیورز کی وجہ سے ہونے والے حادثات کی روک تھام کیلئے لائحہ عمل مرتب کرنے کے حوالہ سے انتظامیہ اور تمام سٹیک ہولڈرز کا ایک اہم اجلاس اسسٹنٹ کمشنر ملک فاروق احمد کی زیر صدارت بلدیہ بورے والا میں منعقد ہوا جس میں ڈی ایس پی سردار ظفر اقبال ڈوگر،چیف آفیسر بلدیہ امتیاز احمد جوئیہ،سابق ایم این اے چوہدری فقیر احمد آرائیں،سابق ایم پی اے سردار خالد محمود ڈوگر،پیٹرن انچیف سول سوسائٹی نیٹ ورک شیخ شہزاد مبین،صدر بار چوہدری وقاص اشفاق،جنرل سیکرٹری چوہدری عبدالخالق،صدر مرکزی انجمن تاجران چوہدری محمد صغیر رامے،سرپرست حاجی عاشق علی آرائیں،جنرل سیکرٹری شیخ عابد فاروق، سینئر نائب صدر راﺅ نور محمد،نائب صدر عثمان جمیل بھٹی،صدر انجمن آڑھتیاں غلہ منڈی چوہدری احتشام داﺅد،صدر پی ایم اے ڈاکٹر سجاد ڈھلوں،موبائل ڈیلرز ایسوسی ایشن چوہدری ظہیر احمد گجر،سیکرٹری انجمن صنعتکاراں چوہدری شاہد نذیر،سماجی شخصیات سید سجاد حسین بخاری،سید زاہد حسین مشہدی اور دیگر نمائندہ شخصیات نے شرکت کی اجلاس میں مختلف تجاویز کی روشنی میں اسسٹنٹ کمشنر ملک فاروق احمد اور ڈی ایس پی سردار ظفر اقبال ڈوگر نے فیصلہ کیا کہ شہر میں تمام موٹر سائیکل رکشوں کے کاغذات رجسٹریشن،ڈرائیورز کے لائسنس،رکشوں کی فٹنس،کم عمر اور نشے کے عادی رکشہ ڈرائیورز کی مکمل چھان بین کے بعد بغیر رجسٹریشن رکشوں،بلا لائسنس کم عمر اور نشے کے عادی ڈرائیورز کے خلاف ناصرف مقدمات درج ہونگے بلکہ رکشوں کو بند کر کے بھاری جرمانے بھی عائد کئے جائیں گے اسکے علاوہ تحصیل انتطامیہ کی طرف سے تمام رکشوں پر نمایاں طور پرخصوصی نمبر درج کئے جائیں گے اندرون شہر اور مین روڈز پر ون وے کی خلاف ورزی پر بھی قانونی کاروائی عمل میں لائی جائے گی اس موقع پر شہر کے تمام سٹیک ہولڈرز نے ان اقدامات پر انتظامیہ سے بھر پور تعاون کی یقین دہانی کروائی۔