ڈسٹرکٹ اینڈ سیشن جج وہاڑی نے تحصیل کورٹس میں سائلین کیلئے طبی ڈسپنسری کا افتتاح کر دیا

بورے والا(چوہدری اصغر علی جاوید سے)ڈسٹرکٹ اینڈ سیشن جج وہاڑی نے تحصیل کورٹس میں سائلین،وکلاء اور کورٹ عملہ کیلئے طبی ڈسپنسری کا افتتاح کر دیا،سیشن جج امجد نذیر کا کہنا تھا کہ بار اور پنچ ملکر سائلین کو انصاف کی فراہمی اور سہولیات کی فراہمی یقینی بنائیں گے،ڈسٹرکٹ اینڈ سیشن جج بورے والا امجد نذیر چوہدری نے تحصیل کورٹس بورے والا میں سائلین،وکلاءاور کورٹ عملہ کو ابتدائی طبی سہولیات کی فراہمی کیلئے فری ڈسپنسری اور الیکٹرک واٹر کو لرز کی تنصیب کا افتتاح کر دیا صدر بار چوہدری وقاص اشفاق اور ججز کے ہمراہ انہوں نے میڈیا سے گفتگو کرتے ہوئے کہا کہ بار اور بنچ ایک ہی گاڑی کے دو پہیے ہیں اور ہمارا مقصد باہم ملکر عوام کو ناصرف انصاف کی فراہمی یقینی بنانا ہے بلکہ انہیں کچہری میں ضروری بنیادی سہولیات کی فراہمی بھی یقینی بنا نا ہے صدر بار چوہدری وقاص اشفاق کا کہنا تھا کہ بورے والا کورٹس میں فری طبی ڈسپنسری کا قیام اور نئے الیکٹرک واٹر کولزز کی تنصیب یقینا’ ایک خوش آئند اقدام ہے جس سے کچہری انے والے افراد، وکلاءاور عملہ کو یہ سہولیات میسر آئیں گی تقریب میں ایڈیشنل سیشن ججز فرسٹ محمد عاصم،غلام مرتضیٰ اوپل،مرزا محمد شاہد بیگ،شہزاد اسلم،سنیئر سول جج فرسٹ میاں محمد حسن سندھو،محمد علیم ضیائ،شجاعت ریاض گوندل،محترمہ مدیحہ ذوالفقار،تصور اقبال،تجمل حسین،محمد عمران،حافظ محمد فاروق،سید محمود افضل شاہ،جنرل سیکرٹری بار چوہدری عبدالخالق اور ایم ایس ٹی ایچ کیو ڈاکٹر عمران بھٹی بھی موجود تھے۔