ظلم اور زیادتی کے خلاف کسان 25 مارچ کو بھر پور پرامن احتجاج کریں گے۔ذوالفقار اعوان
بورے والا(چوہدری اصغر علی جاوید سے)پاکستان کسان اتحاد کے مرکزی صدر ملک ذوالفقار اعوان اور جنرل سیکرٹری بورے والا چوہدری مہران علی نے کہا کہ واپڈا کی طرف سے کسانوں کے ذمہ جو بھی بقایاجات ہیں ہمارا مطالبہ ہے کہ انکا فرانزک آڈٹ کروایا جائے اور ڈی سی وہاڑی واپڈا اور کسان نمائندوں سے قرآن پاک پر حلف لیں کہ اگر ہمارے ذمہ جو جائز بقایاجات ہیں وہ ہم ادا کریں گے اور اگر واپڈا نے ناجائز جرمانے ڈالے ہیں تو جو چور کی سزا ہے وہ انکی سزا ہو گی،ان خیالات کا اظہار انہوں پریس کلب کے سامنے کسانوں کی ریلی سے خطاب کرتے ہوئے کیا ریلی واپڈا بلوں اور کھاد کی بلیک میں فروخت کے خلاف نکالی گئی جو ملتان روڈ،وہاڑی بازار اور گول چوک سے ہو کر پریس کلب پہنچ کر اختتام پذیر ہوئی ملک ذوالفقار اعوان نے کہا کہ کسانوں کے خلاف جھوٹے مقدمات درج کئے گئے،ناجائز گرفتاریاں کی گئیں اور ٹرانسفارمر اتار کر فصلیں برباد کی گئیں کھاد کے ڈیلر جو بلیک میں 4 ہزار والی کھاد 6 ہزار میں فروخت کرتے ہیں انکو کوئی پوچھنے والا نہیں کسان کو بروقت کھاد کی ضرورت ہو تو کھاد ڈیلرز ہمیں بلیک میں فروخت کرتے ہیں کوئی پوچھنے والا نہیں ائیرکنڈیشند کمروں میں بیٹھے کر رشوت لینے والوں کو کیا معلوم کسان کے ساتھ کیا ظلم ہو رہا ہے ہم اس ظلم اور زیادتی کے خلاف 25 مارچ کو بھر پور پرامن احتجاج کریں گے جس کی تمام تر ذمہ داری انتطامیہ اور حکومت پر ہو گی۔
About Author
