درندہ صفت بھیڑیا باپ چار ماہ تک 11سالہ حقیقی بیٹی سے سے شیطانی کھیل کھیلتا رہا
بورے والا(چوہدری اصغر علی جاوید سے)”آسمان گرا نہ زمین پھٹی“درندہ صفت بھیڑیا باپ چار ماہ تک 11سالہ حقیقی بیٹی سے سے شیطانی کھیل کھیلتا رہا،دوسری کلاس کی طالبہ معصوم بیٹی باپ کے خوف سے خاموش رہی،”حوا کی بیٹی“نے ماں کو سارا ماجرا سنا دیا،خاوند کی عدم موجودگی میں بدقسمت ماں زیادتی کا شکار ہونے والی معصوم بیٹی کو لیکر انصاف کے لئے تھانے پہنچ گئی، ڈی پی او وہاڑی کا فوری ایکشن،پولیس نے درندہ صفت شخص کو گرفتار کر کے مقدمہ درج کر لیا، ملزم کا پولیس کے سامنے اقرار جرم،مجھے زندہ رہنے کا اب کوئی حق نہیں،ملزم اشرف،زیادتی کا شکار معصوم بچی میڈیکل کے لئے ہسپتال منتقل،تفصیلات کے مطابق میاں چنوں موڑ ظفر کالونی کی رہائشی خاتون عائشہ نے پولیس کو بتایا کہ اسکا خاوند محمد اشرف جوکہ آتش بازی کا سامان فروخت کرتا ہے عرصہ چار ماہ سے اسکی 11سالہ حقیقی بیٹی دوسری کلاس کی طالبہ سے زیادتی کرتا آرہا تھا اور اس نے بچی کو دھمکی دی تھی کہ اگر تم نے اپنی ماں یا کسی اور کو بتایا تو تمہیں جان سے مار دونگا اس خوف سے اس نے زبان نہ کھولی شک پڑنے پر اس نے اپنی بیٹی سے پوچھا تو اس نے مجھے اسکے اس شرمناک فعل کے متعلق بتا دیا جس پر میں نے اپنے خاوند کو چند روز قبل سمجھایا تو اس نے معافی مانگ لی لیکن وہ باز نہ آیا اور آج صبح جب میں اپنے چھوٹے بیٹے کو دوائی دلوانے گئی تو واپسی پر دیکھا کہ اُس کا خاوند اُسکی 11سالہ معصوم بیٹی (ر)کو پھر اپنی جنسی ہوس کا نشانہ بنا رہا تھا ہمیں دیکھتی ہی وہ اسے برہنہ حالت میں چھوڑ کر فرار ہو گیا یہ سب دیکھ کر میں نے فیصلہ کیا کہ اب اس درندہ صفت انسان کو معاف نہیں کرنا اس نے ڈی پی او وہاڑی سے اپنے خاوند کے خلاف سخت کاروائی کا مطالبہ کیا ڈی پی او وہاڑی عمر سعید ملک نے اطلاع ملتے ہی ملزم کی فوری گرفتاری اور اسکے خلاف مقدمہ درج کر کے اسے مکمل تحفظ فراہم کرنے حکم دیا تھانہ صدر پولیس نے دو گھنٹے میں پولیس کی بھاری نفری کے ہمراہ علاقے کا محاصرہ کر کے اسے گرفتار کرلیا اور اسکی بیوی کی درخواست پر اسکے خلاف مقدمہ بھی درج کر لیا دریں اثناءملزم نے تھانہ صدر پولیس اور میڈیا کی موجودگی میں اقرار جرم کر لیا اس کا کہنا تھا کہ اس شرمناک فیل کے بعد اُسکا زندہ رہنے کا کوئی حق نہیں اسے پھانسی دے دی جائے۔
About Author
