سرکاری گندم خورد برد میں گرفتار اے ایف سی طارق فاروق شخصی ضمانت پر رہا

بورے والا(چوہدری اصغر علی جاوید سے)انٹی کرپشن ٹیم کی کاروائی،محکمہ فوڈ میں 83 لاکھ کی سرکاری گندم خورد برد کرنے والا سابق ایم این اے کا قریبی رشتہ دار اے ایف سی طارق فاروق گرفتار،اگلے روز شخصی ضمانت پر چھوڑ دیا،4 کروڑ سے زائد کی خورد برد کے ملوث دوسرا اے ایف سی تاحال روپوش،محکمہ انٹی کرپشن سے معاملات طے کرنے کی کوششیں جاری،تفصیلات کے مطابق ڈائریکٹر انٹی کرپشن ملتان راشد نعمت کھوکھرکی ہدایت سب انسپکٹر مہر محمد سلیم کی زیر قیادت انٹی کرپشن ٹیم نے گزشتہ روز محکمہ خوراک ضلع وہاڑی میں کروڑوں روپے کی سرکاری گندم خورد برد کے مقدمہ میں ملوث ایک سال سے روپوش اسسٹنٹ فوڈ کنٹرولر محمد طارق فاروق کو گرفتار کر لیا لیکن اگلے ہی روز بیماری کے بہانے بااثر سیاسی شخصیت نے شخصی ضمانت پر چھڑوا لیا مقدمہ کے مطابق اسسٹنٹ فوڈ کنٹرولر محمد طارق فاروق نے گندم فوڈ سنٹر اڈا غلام حسین پر سٹاک شدہ سرکاری گندم میں سے 83 لاکھ اکیس ہزار روپے کی 100 میٹرک ٹن کے قریب گندم مختلف فلور ملز اور دیگر مقامات پر فروخت کرکے رقم خزانے میں جمع کروانے کی بجائے خورد برد کر لی تھی جبکہ اے ایف سی بنی شیل میلسی رانا امتیاز احمد نے بھی چھ کروڑ 16 لاکھ روپےکی گندم خورد برد کر کے سرکاری خزانے کو نقصان پہنچایا انکے علاوہ فوڈ گرین انسپکٹرز احمد طارق ولد طارق فاروق اور ممتاز احمد ڈاہا پر بھی لاکھوں روپے کی خورد برد ثابت ہونے پر محکمہ انٹی کرپشن نےمقدمہ درج کیا تھا رانا امتیاز احمد اے ایف سی تاحال روپوش ہیں جو کہ بااثر سیاسی شخصیات کے ذریعے محکمہ انٹی کرپشن حکام سے معاملات طے کرنے کی کوشش کر رہے ہیں ذرائع سے یہ بھی معلوم ہوا ہے کہ گرفتار اسسٹنٹ فوڈ کنٹرولر محمد فاروق آرائیں سابق ایک ایم این کا قریبی رشتہ دار ہے جنہوں نے اسکو چھڑوانے کیلئے انٹی کرپشن اعلی حکام سے رابطوں کیلئے بھاگ دوڑ شروع کر دی ہے۔