عوام نے 8 فروری سے قبل ہی فیصلہ دے دیا کہ وہ کس کے ساتھ ہیں۔چوہدری ارشاد،چوہدری عاشق

بورے والا(چوہدری اصغر علی جاوید سے)آزاد امیدوارا قومی اسمبلی حلقہ این اے 156چوہدری ارشاد احمد آرائیں اور امیدوار صوبائی اسمبلی چوہدری محمد عاشق آرائیں کی 505(ای بی) اور 519(ای بی) میں منعقدہ کارنر میٹنگز بڑے انتخابی جلسوں میں تبدیل ہو گئیں،عوام نے 8 فروری سے قبل ہی فیصلہ دے دیا ہے کہ وہ کس کے ساتھ ہیں،چوہدری ارشاد آرائیں اور چوہدری عاشق کا جلسوں سے خطاب،تفصیلات کے مطابق آزاد امیدواران کی حمایت میں منعقدہ بڑے عوامی اجتماعات میں چوہان،آرائیں،انصاری،راجپوت،ڈوگر،ملک،غفاری اور دیگر برادریوں نے بھر پور حمایت کا اعلان کر دیا اس موقع پر اپنے خطابات میں چوہدری ارشاد احمد آرائیں اور چوہدری محمد عاشق آرائیں نے کہا عوام کی یہ والہانہ محبت ہم پہ قرض ہے جو پیار ہمیں انتخابی مہم کے دوران مل رہا ہے وہ اس بات کی غمازی کرتا ہے کہ پچھلے پانچ سال جن لوگوں نے عوام کے مینڈیٹ کا مذاق اڑایا انہیں مہنگائی میں زندہ درگور کیا اب عوام انکے جھانسے میں نہیں آئے گی یہی وجہ ہے کہ خاندانی سیاست کرنے والے وہ چہرے جہاں بھی جاتے ہیں انہیں خالی کرسیوں سے خطاب کرنا پڑتا ہے اور ان سے بیزار عوام ہمارے ساتھ جس محبت اور پیار کا مظاہرہ کر رہے ہیں یہ عوام کی جیت کا ثبوت ہے 8 فروری کو حقے کے نشان پر مہر لگا کر عوام اپنی فتح کا جشن منائیں گے۔