پی ٹی آئی امیدواروں کی 10 مئی کے مقدمہ میں ضمانت کنفرم

بورے والا(چوہدری اصغر علی جاوید سے)پی ٹی آئی امیدواروں کی 10مئی کے مقدمہ میں ضمانت کنفرم،سابق ایم پی اے رائے ظہور کھرل،پی ٹی آئی امیدواران خالد زبیر نثار ڈوگر اور عائشہ نذیر جٹ کی ضمانت بھی منظور،مقدمہ میں تینوں راہنماؤں کو اشتہاری قرار دیا گیا تھا،بجلی چوری میں بھی عبوری ضمانت منظور،تفصیلات کے مطابق بانی پی ٹی آئی کی گرفتاری کے خلاف بورے والا میں 10 مئی کے احتجاج پر تھانہ ماڈل ٹاون میں درج مقدمہ نمبر 577/23 میں ایڈیشنل سیشن جج مرزا شاہد بیگ نے پی ٹی آئی کے سابق ایم پی اے رائے ظہور کھرل،پی ٹی آئی امیدواران قومی اسمبلی حلقہ این اے 156 خالد نثار ڈوگر اور عائشہ نذیر جٹ کی عبوری ضمانتیں کنفرم کر دیں عدالت کے جج نے ریمارکس دیتے ہوئے کہا کہ عائشہ نذیر جٹ احتجاج کے وقت موجود نہیں تھیں اور ایف آئی آر کے ملزمان میں کسی خاتون کا ذکر نہیں ہے جبکہ بجلی چوری کے مقدمہ میں بھی عدالت نےعائشہ نذیر جٹ اور خالد نثار ڈوگر کی عبوری ضمانتیں 15 جنوری تک منظور کر لیں عائشہ نذیر جٹ کا کہنا تھا کہ اللہ نے ہمیشہ حق اور سچ کا ساتھ دیا ہے عدلیہ آزاد ہے بوگس مقدمات میں ریلیف دے رہی ہے بجلی چوری کا جھوٹا مقدمہ درج کیا گیا ہے میٹر نہ میرے نام ہے اور نہ میرے استعمال میں ہے۔