64 خاندانوں کیلئے ایک باوقار طریقے سے آسانیاں پیدا کرنا قابل ستائش ہے۔عبدالباسط صدیقی
بورے والا(چوہدری اصغر علی جاوید سے)سول سوسائٹی نیٹ ورک بورے والا کی طرف سے 32 جوڑوں کی اجتماعی شادیوں کی تقریب،32 غریب اور مستحق خاندانوں کی بچیاں پیا گھر سدھار گئیں،تقریب میں اسسٹنٹ کمشنر اور سول سوسائٹی کے نمائندوں کی شرکت،سول سوسائٹی نیٹ ورک کی طرف سے حسب روایت مقامی شادی ہال میں 32 مستحق جوڑوں کی اجتماعی شادیوں کی تقریب منعقد ہوئی جس میں اسسٹنٹ کمشنر عبدالباسط صدیقی،پیٹرن انچیف سول سوسائٹی نیٹ ورک شیخ شہزاد مبین،شیخ معیض احمد،شیخ ندیم احمد،صدر وہاڑی چیمبر آف کامرس میاں خالد حسین،سابق صدر غضنفر علی،ایم ایس ٹی ایچ کیو ڈاکٹر عمران بھٹی،المدینہ ڈویلپرز کے چیف ایگزیکٹو چوہدری صدیق یوسف،صدر انجمن آڑھتیاں غلہ منڈی چوہدری احتشام داود،ڈائریکٹر مریم کالج پروفیسر جاوید اقبال،پروفیسر محمد عمران وڑائچ،سابق پرنسپل گورنمنٹ کالج پروفیسر خوشی محمد شہزاد،ڈائریکٹر پنجاب کالج پروفیسر مجید اکبر،الکریم ڈویلپرز کے ڈائریکٹر رانا محمد اجمل خاں،سیکرٹری نیلی بار کلب امجد خوشی،پرنسپل گورنمنٹ کالج آف کامرس پروفیسر ڈاکٹر امجد شکور،پروفیسر عمران وڑائچ،چوہدری قصیر نذیر،چوہدری ندیم عباس،بیرسٹر شہزاد سلیم،چوہدری مدثر مرغوب،چوہدری رفعت طاہر،معروف بزنس مین شیخ شاہ رخ،شیخ حسن معیض،شیخ نبیل اور دیگر نمائندہ سیاسی سماجی و کاروباری شخصیات نے شرکت کی تقریب سے خطاب کرتے ہوئے اسسٹنٹ کمشنر عبدالباسط صدیقی نے کہا کہ 64 خاندانوں کیلئے ایک باوقار طریقے سے آسانیاں پیدا کرنا قابل ستائش ہے شرعی طریقہ سے ان خاندانوں کے گھر آباد کرنے کا عمل عظیم عبادت بھی ہے اس کارخیر میں ہر صاحب حیثیت کو بڑھ چڑھ کر حصہ لینا چاہیئے مخلوق خدا کی خدمت حقیقت میں افضل عبادت ہے سول سوسائٹی بورے والا کے پیٹرن انچیف شیخ شہزاد مبین اس اقدام پر خراج تحسین کے مستحق ہیں تقریب سے خطاب میں شیخ معیض احمد نے کہا کہ آج کی تقریب کے تمام شرکاء اسکے میزبان ہیں اور یہ اللہ پاک کا احسان ہے کہ اس نے اس نیک مقصد کیلئے سول سوسائٹی کو چنا ہے آج درجنوں خاندانوں کو اپنے بچوں کی اہم ذمہ داری سے عہدہ براہ ہونے کا موقع فراہم کیا سول سوسائٹی نیٹ ورک کے پیٹرن انچیف شیخ شہزاد مبین اور انکی ٹیم نے تمام جوڑوں کو نیک تمناؤں کے ساتھ رخصت کیا۔
About Author
