ملازمین کیلئے عمرہ قرعہ اندازی سکیم ایپکا تنظیم کا ایک اچھا کام ہے۔عبدالباسط صدیقی

بورے والا(چوہدری اصغر علی جاوید سے)ایپکا بورے والا کے زیر اہتمام میونسپل کمیٹی کے عمرہ کیلئے ساتویں قرعہ اندازی کی تقریب میونسپل کمیٹی کے لان میں منعقد ہوئی جس کے مہمانِ خصوصی اسسٹنٹ کمشنر و ایڈمنسٹریٹر ایم سی بورے والا عبدالباسط صدیقی تھے جبکہ مہمانان اعزاز چیف آفیسر امتیاز احمد جوئیہ،چیف آفیسر وہاڑی احمد علی صابر اور میونسپل آفیسر فنانس وہاڑی عرفان علی تھے تقریب سے خطاب کرتے ہوئے اسسٹنٹ کمشنر عبد الباسط صدیقی نے کہا کہ میونسپل کمیٹی کے ملازمین کیلئے عمرہ قرعہ اندازی سکیم ان کی تنظیم کا ایک اچھا کام ہے کیونکہ اس مہنگائی کے دور میں عمرہ کی ادائیگی کے اخراجات بہت بڑھ گئے ہیں جس کے باعث غریب آدمی کی پہنچ سے با ہر ہو گیا ہے قرعہ اندازی سے سب کیلئے یکساں مواقع ہوتے ہیں قرعہ اندازی میں عمرہ کی سعادت حاصل کرنے والے جن کے نام نکلے ہیں وہ بڑے خوش قسمت اور خوش نصیب ہیں کیونکہ یہ بلاوا ان کو وہاں سے آیا اور میں ان خوش نصیبوں کو مبارکباد پیش کرتا ہوں میونسپل کمیٹی کے ملازمین بڑے محنتی ہیں ان کی کارکردگی عیدالاضحی اور محرم الحرام کے موقع پر بہت اچھی تھی جبکہ چیف آفیسر امتیاز احمد جوئیہ نے کہا کہ انہوں نے کئی شہروں میں خدمات سر انجام دی ہیں لیکن مقامی ملازمین کی تنظیم نے یہ جو عمرہ سکیم شروع کر رکھی ہے بہت اچھی اور کامیاب ہے عمرہ کی سعادت حاصل کرنا ہر مسلمان کی خواہش ہوتی ہے لیکن مہنگائی کے اس دور میں کم تنخواہوں والوں کیلئے مشکل ہو گیا لیکن اس طرح قرعہ اندازی سے ان کیلئے آسانی ہو گئی ہے صدر ایپکا ماجد یوسف کی کاوشیں قابل ذکر ہیں اس موقع پر حافظ محمد وسیم،راﺅ گلزار احمد،عمر فاروق چیمہ،اے ڈی خان،چوہدری محمد شاہد،افضل پرویز،خالد جاوید،جاوید رضا،حافظ واجد،ظہور احمد،احسان علی،شہزاد احمد،افتخار بابر،کاشف مشتاق،شیخ خالد اور اقبال لطیف کے علاوہ میونسپل کمیٹی کے افسران،عملہ اور کنٹریکٹر بھی موجود تھے تقریب کی نقابت کے فرائض آفس سپرٹینڈنٹ و صدر ایپکا ماجد یوسف نے سر انجام دئیے مہمان خصوصی اسسٹنٹ کمشنر و ایڈمنسٹریٹر عبدالباسط صدیقی،چیف آفیسر امتیاز احمد جوئیہ،چیف آفیسر وہاڑی علی احمد صابر،فنانس آفیسر وہاڑی عرفان علی اور امجد حسین نے عمرہ کیلئے قرعہ اندازی کی جس میں پانچ خوش نصیبوں کا نام عمرہ کی سعادت حاصل کرنے کیلئے نکلے ان میں غلام رسول،محمد عباس،شبیر حسین،سجاد علی اور محمد علی طاہر شامل ہیں۔