ویٹرنری عملہ اور وکلاء کے مابین تصادم،ایمرجنسی وارڈ میدان جنگ بن گیا

بورے والا(نیوز ڈیسک)سڑک پر سپیڈ بریکر ختم کرنے سے روکنے پر وکیل کاویٹرنری انسپکٹر پر بہیمانہ تشدد،میڈیکل کیلئے جانے والے ویٹرنری عملہ اور وکلاء کے مابین پھر تصادم،ایمرجنسی وارڈ میدان جنگ بن گیا،مکوں،لاتوں اور ڈنڈوں کا آزادانہ استعمال،وکیل کے خلاف اقدام قتل کا مقدمہ درج،مقدمہ کے خلاف بورے والا بار میں مکمل ہڑتال،وکیل کے خلاف مقدمہ کے اخراج اور وکیل کی مدعیت میں مقدمہ درج کرنے کا مطالبہ،تفصیلات کے مطابق گزشتہ روز ایم بلاک میں ویٹرنری انسپکٹر محمد شاہد اور مقامی وکیل لالہ غنضفر کے مابین سپیڈ بریکر ختم کروانے پر جھگڑا ہوا جس پر وکیل نے ویٹرنری انسپکٹر کو زمین پہ لٹا کر تشدد کا نشانہ بنایا اور ٹریکٹر کے نیچے دیکر مارنے کی کوشش کی مقامی لوگوں نے ویٹرنری انسپکٹر کی جان بچائی ویٹرنری انسپکٹر ساتھیوں کے ہمراہ جب ہسپتال میں میڈیکل کروانے گیا تو وہاں پہلے سے موجود لالہ غضنفر اور اسکے دیگر وکلاء ساتھیوں کے ساتھ پھر تصادم ہو گیا ایمرجنسی وارڈ میدان جنگ بن گیا مکوں،لاتوں اور وکلاء کی جانب سے ڈنڈوں کا آزادانہ استعمال کیا گیا تھانہ سٹی پولیس نے ویٹرنری آفیسر ڈاکٹر محسن کی مدعیت میں وکیل کے خلاف اقدام قتل کا مقدمہ درج کیا گیا تو وکلاء نے بار میں ہڑتال کر دی اور وکلاء نے احتجاج کرتے ہوئے ڈی ایس پی آفس کا گھیراو بھی کیا سیکرٹری بار راحیلہ منور کا کہنا ہے کہ ہمارے وکیل کے خلاف بغیر تحقیق کئے اقدام قتل کا مقدمہ درج کیا گیا اور وکیل کی درخواست پر کوئی کاروائی نہیں ہوئی جب تک وکیل کے خلاف مقدمہ خارج نہیں ہو جاتا اور اسکی مدعیت میں ویٹرنری انسپکٹر سمیت دیگر عملہ کے خلاف حملہ کرنے کا مقدمہ درج نہیں ہوتا وکلاء ہڑتال جاری رکھیں گے جس کا دائرہ پنجاب بار کونسل تک بڑھا دیا جائے گا۔