ڈکیتی کرنے والے خطرناک جرائم پیشہ بین الاضلاعی گروہ کو گرفتار کر لیا۔عمر فاروق

بورے والا(چوہدری اصغر علی جاوید سے)ڈی ایس پی سرکل بورے والا محمد عمر فاروق بلوچ نے کہا ہے کہ چند ماہ قبل ٹریفک وارڈن کو کار میں اغوا کر کے ڈکیتی کرنے والے خطرناک جرائم پیشہ بین الاضلاعی گروہ کے سرغنہ کو تھانہ شیخ فاضل پولیس نے ایس ایچ او مظہر حسین کی زیر قیادت جدید ٹیکنالوجی کی مدد سے گرفتار کر لیا جس کے قبضہ سے دوران ڈکیتی ٹریفک وارڈن سے لوٹی ہوئی نقد رقم 70 ہزار روپے برآمد کر لی گئی ہے،ان خیالات کا اظہار انہوں نے اپنے دفتر میں ایس ایچ او تھانہ شیخ فاضل مظہر حسین کے ہمراہ پریس کانفرنس کے خطاب کرتے ہوئے کیا انہوں نے بتایا کہ مختلف اضلاع میں اغواء اور ڈکیتی کی وارداتوں میں ملوث گینگ کا سرغنہ شہزاد سکنہ 19/ ڈبلیو بی 11 مقدمات کا ریکارڈ یافتہ ہے اور اسی گینگ نے چند ماہ قبل بس کے انتظار میں کھڑے ٹریفک وارڈن محمد موسی کو لفٹ دینے کے بہانے گاڑی میں بٹھا لیا اور گن پوائنٹ پر نقدی موبائل اور اے ٹی ایم کارڈ چھین لیے تھے جس پر تھانہ شیخ فاضل میں مقدمہ درج کیا گیا ڈی پی او وہاڑی عیسی خان سکھیرا کی ہدایات پر ایک خصوصی ٹیم تشکیل دیکر ٹریفک وارڈن کے ساتھ ہونے والی واردات کے ملزم شہزاد ولد امین سکنہ 19/ڈبلیو بی کو ٹریس کیا گیا اور ملزم سے ڈکیتی کی ہوئی رقم 70 ہزار روپے برآمد کر لی گئی ہے ایس ایچ او تھانہ شیخ فاضل مظہر حسین نے بتایا کہ اس گروہ کے دیگر ارکان کی تلاش جاری ہے اور دوران ریمانڈ ملزم سے اہم انکشافات بھی متوقع ہیں۔