نیلی بار کلب کے مسائل حل کرنے کیلئے اپنی تمام صلاحیتیں بروئے کار لائیں گے۔امجد خوشی

بورے والا(چوہدری اصغر علی جاوید سے)معروف سیاسی سماجی شخصیت اور نومنتخب جنرل سیکرٹری نیلی بار کلب چوہدری امجد خوشی نے گزشتہ شب اپنی رہائش گاہ پر ممبر قومی اسمبلی وفاقی پارلیمانی سیکرٹری برائے سائنس اور ٹیکنالوجی سید ساجد مہدی سلیم شاہ،سابق ممبر صوبائی اسمبلی ملک نوشیر خان لنگڑیال اور ان کے رفقاء کے اعزاز میں اپنی رہائش گاہ پر ایک پرتکلف عشائیہ دیا جس میں سابق ناظم ضیاء خان ڈھڈی،حاجی طالب حسین ڈھڈی،حاجی مشتاق صاحب احمد ڈھڈی،مشتاق احمد ڈھڈی،نعیم صابر چوہدری،حاجی رشید،شاہد خورشید اور دیگر معززین بھی موجود تھے اس موقع پر ممبر قومی اسمبلی وفاقی پارلیمانی سیکرٹری برائے سائنس اور ٹیکنالوجی سید ساجد مہدی سلیم شاہ نے چوہدری امجد خوشی کو نیلی بار کلب کا بلامقابلہ جنرل سیکرٹری منتخب ہونے پر مبارکباد دیتے ہوئے پھول پیش کئے اور ان کیلئے نیک خواہشات کا اظہار کرتے ہوئے کہا کہ وہ نیلی بار کلب کے مسائل حل کرنے اور ممبران کو سہولیات کی فراہمی کیلئے اپنی تمام صلاحیتیں بروئے کار لائیں گے اس موقع پر نومنتخب جنرل سیکرٹری اور میزبان چوہدری امجد خوشی نے ممبر قومی اسمبلی وفاقی پارلیمانی سیکرٹری برائے سائنس اور ٹیکنالوجی سید ساجد مہدی سلیم شاہ،سابق ایم پی اے ملک نوشیر خان لنگڑیال اور دیگر مہمانوں کا شکریہ ادا کیا۔