آئس کا نشہ کرنے والے سفاک باپ کا بچوں اور بیوی پر تشدد،بیٹی کی آنکھیں ضائع کر دیں
بورے والا(چوہدری اصغر علی جاوید سے)آئس کا نشہ کرنے والے سفاک باپ کا جادو ٹونہ کرنے کے شبہ پر کمسن بچوں اور بیوی کو تین ماہ سے گھر میں قید کر کے ظالمانہ تشدد،خنجر سے بیٹی کی آنکھیں ضائع کر دیں،بیوی کی آنکھوں اور جسم کے مختلف حصوں پر بہیمانہ تشدد،دیگر بچون پر بھی تشدد،اہل محلہ نے بچوں کی چیخ و پکار سن کر انہیں آزاد کروا لیا،بیوی تاحال کمرے میں یرغمال،پولیس کی بھاری نفری کی چھتوں پر سے گھر میں داخل ہونے کی کوشش،تفصیلات کے مطابق ایم بلاک بورے والا میں واقع ایک مقامی دودھ فروش آئس کے نشہ کے عادی احمد قاضی نامی سفاک شخص نے تین ماہ سے بچوں کو گھر میں قید کر رکھا تھا آج بچوں کی چیخ و پکار سن کر اہل محلہ اور قریبی رشتہ داروں نے بچوں کو قید سے آزاد کروایا تو 13 سالہ کمسن بچی نے بتایا کہ اس کا باپ آئس کا نشہ کرتا ہے اور تین ماہ قبل اس نے ہماری ماں اور ہم پر الزام عائد کیا کہ تم لوگ مجھ پہ جادو کرتے ہو اس پر اس نے میری آنکھوں میں خنجر مار کر آنکھیں ضائع کر دیں اور میری والدہ سمیت تمام بہن بھائیوں پر تشدد کرتے ہوئے گھر میں قید کر دیا اس دوران مختلف اوقات میں تشدد بھی کرتا رہا کسی سے ملنے بھی نہ دیا اب دوبارہ آج والدہ پر الزام لگایا کہ تم نے میری آئس کی ڈبی غائب کی ہے یہ کہہ کر پھر تشدد کا نشانہ بنایا شور مچانے پر اسلحہ دکھا کر خاموش کروا دیتا تھا بچوں کی بازیابی پر واقعہ کی اطلاع ملتے ہی پولیس کی بھاری نفری موقع پر پہنچ گئی اور اسلحہ کے زور پر گھر میں سفاک خاوند کے ہاتھوں یرغمال بیوی کی بازیابی کیلئے ملحقہ چھتوں کے ذریعے کوششیں شروع کر دی ہیں لیکن تاحال پولیس خاتون کو بازیاب نہیں کروا پائی بچوں کے مطابق انکے دادا قاضی قادر کچھ دیر پہلے ہمارے باپ کو گھر سے یہ کہہ کر گئے کہ اپنی بیوی کو ختم کر دو اور بچوں کو لیکر نکل جاؤ ہم پر ہونے والے ایک ایک ظلم کا ہمارے دادا کو پتہ تھا۔
About Author
