بلدیہ کو اگر کرپشن فری ادارہ بنانا ہے تو کرپشن کے تمام دروازے بند کرنا ہونگے ۔ غلام مصطفےٰ بھٹی

بورے والا(چوہدری اصغر علی جاوید سے)بلدیہ بورے والا میں قائد حزب اختلاف پی ٹی آئی کے کونسلر غلام مصطفےٰ بھٹی نے کہا ہے کہ بلدیہ کے جنرل بس سٹینڈ ادا فیس میں ٹھیکیدار کی لوٹ مار،ترقیاتی کاموں میں ٹھیکیداروں سے کمیشن،بغیر نوٹیفکیشن تاجروں سے کئی گنا زیادہ ٹریڈ ٹیکس کی وصولی سمیت دیگر کرپشن اور بے ضابطگیوں کے الزمات کا جواب دینے میں چیئرمین بلدیہ ناکام ہوئے ہیں بلدیہ کے اجلاس میں اپوزیشن ارکان نے کرپشن اور بے ضابطگیوں کی نشاندہی کی لیکن چیئرمین بلدیہ اگر خود کرپشن میں ملوث نہیں تو اپوزیشن کی نشاندہی پر کرپٹ عناصر کے خلاف کاروائی سے کیوں گریزاں ہیں بلدیہ کو اگر کرپشن فری ادارہ بنانا ہے تو کرپشن کے تمام دروازے بند کرنا ہونگے ہم نے جن امور کی نشاندہی کی ہے اُسکے مکمل ثبوت ہمارے پاس موجود ہیں چیئرمین بلدیہ کو چاہئے تھا کہ وہ ان الزمات کی انکوائری کے لیے بلدیہ کے ایوان کے ارکان پر مشتمل کمیٹی بناتے جو اس ساری کرپشن کی انکوائری کرتی مگر بدقسمتی سے اپوایشن کی کسی بھی بات کا نوٹس نہیں لیا جاتا جو کہ عوام سے زیادتی ہے،ان خیالات کا اظہار انہوں نے دیگر اپوزیشن ارکان کے ہمراہ میڈیا سے گفتگو کرتے ہوئے کیا اس موقع پر راﺅ غفار علی،راﺅ عزیز الرحمن،مہر طاہر امجد،شہباز حسین باجا بھٹی،ملک فاروق احمد اعوان،سردار راشد عظیم،چوہدری سرفراز شریف،شہزاد احمد بٹ،شکیل حشمت،جاوید اقبال قادری،افتخار مٹھو اور دیگر ارکان بھی موجود تھے انہوں نے کہا کہ اپوزیشن اپنا مثبت کردار ادا کر رہی ہے اور شہر کی تعمیر و ترقی کے علاوہ بلدیہ کو کرپشن سے پاک کرنے کا عزم رکھتی ہے اگر چیئرمین بلدیہ نے جانبدارانہ رویہ ترک نہ کیا تو اپوزیشن اپنا لائحہ عمل بنانے پر مجبور ہو جائے گی چیئرمین بلدیہ کرپٹ عناصر کے خلاف کاروائی کرکے اپنی پارسائی ثابت کریںگے۔