”بورے والا اپڈیٹس نیوز کی خبر پر ایکشن“محکمہ تعلیم اور پولیس 443ای بی سکول میں پہنچ گئے
بورے والا(چوہدری اصغر علی جاوید سے)”بورے والا اپڈیٹس نیوز کی خبر پر ایکشن“محکمہ تعلیم اور پولیس سکول میں پہنچ گئے،6روز سے بگڑے نوجوانوں کے خوف سے گھر میں بیٹھی طالبات کو سرکاری گاڑیوں میں بٹھا کر سکول پہنچایا،تھانہ صدر پولیس کے ایس ایچ او کی ہٹ دھرمی سے طالبات کو تحفظ نہ مل سکا،تفصیلات کے مطابق نواحی چک 443ای بی بھٹو کالونی میں زیر تعلیم بیسیوں طالبات جو کہ مقامی بااثر اوباش نوجوانوں کی غیر شائستہ حرکتوں کے ہاتھوں تنگ تھیں بچیوں کے والدین نے جب ان غنڈوں کو حرکات سے روکنے کی کوشش کی تو غنڈوں نے مسلح ہو کر والدین اور رشتہ داروں کو زدوکوب کیا کلہاڑیوں سے وار کر کے انہیں زخمی کر دیا 6روز قبل وقوعہ کی اطلاع تھانہ صدر پولیس کو تحریری طور پر کر دی گئی مگر ایس ایچ او ملزمان سے ساز باز ہو گیا جس کی وجہ سے کوئی کاروائی نہ ہو سکی اور بچیاں تعلیم چھوڑ کر خوف سے اپنے گھر بیٹھ گئیں واقعہ کی خبر پا کر ”بورے والا اپڈیٹس نیوز“ کی ٹیم سکول میں گئی تو اہل علاقہ نے وقوعہ کی تصدیق کرتے ہوئے ارباب اختیار سے انصاف کی اپیل کی جس کی خبر ”بورے والا اپڈیٹس نیوز“کی ویب سائٹ میں شائع ہوئی تو محکمہ تعلیم کی ڈپٹی ایجوکیشن آفیسر عابدہ اسلام پولیس کے ہمراہ سکول میں پہنچ گئی بچیوں کو سکول میں لانے کے لئے گھروں میں جا کر والدین کو تحفظ فراہم کرنے کا وعدہ کیا جس پر والدین اپنی بچیوں کو سکول میں بھیجنے پر رضامند ہو گئے بچیوں کو پولیس کی گاڑیوں میں سیکورٹی فراہم کر کے سکول لایا گیا ڈپٹی ایجوکیشن آفیسر نے والدین کو یقین دہانی کروائی کہ آئندہ انہیں پولیس کی مکمل سیکورٹی فراہم کی جائے گی اہل علاقہ کے نمائندہ افراد ولی محمد سندھی،زاہد حسین،رفاقت علی،محمد آصف،خرم شہزاد،محمد وسیم،محمد افتخار،ولی محمد،محمد ارشد سندھی،رانا عبدالجبار و دیگر نے چیف ایڈیٹر ”بورے والا اپڈیٹس نیوز“ جناب چوہدری اصغر علی جاوید کا شکریہ ادا کیا اور طالبات نے ”بورے والا اپڈیٹس نیوز“ زندہ آباد کے نعرے لگائے ڈی پی او وہاڑی عمر سعید ملک نے خبر پر نوٹس لیتے ہوئے طالبات کو حراساں کر کے تعلیم کے زیور سے محروم رکھنے والے ملزما ن نعیم،شکیل،عظیم،راشد اور ان کے ساتھیوں کے خلاف زیر دفعہ A3،l21مقدمہ درج کر کے تفتیش شروع کر دی ہے۔
About Author
