بورے والا شہر کے سیوریج کا منصوبہ آئندہ دو ماہ تک مکمل ہو جائے گا۔رانا عامر کریم
بورے والا(چوہدری اصغر علی جاوید سے)وزیر اعلی پنجاب کے سیکرٹری کوآرڈینیشن رانا عامر کریم خاں نے کہا ہے کہ 2014 میں شروع ہونے والا سیوریج کا منصوبہ آئندہ دو ماہ تک مکمل ہو جائے گا اس میں تاخیر کی صورت میں ذمہ داروں کے خلاف کاروائی ہو گی اس منصوبے کی تاخیر سے اسکی لاگت 50 کروڑ سے بھی زائد ہو چکی ہے لیکن اب اس منصوبے کی تکمیل سے شہر کا نکاسی آب کا بڑا دیرینہ مسئلہ حل ہو جائے گا اسکے علاوہ میری ہر ممکن کوشش ہوتی ہے کہ بورے والا کے عوام کیلئے بنیادی سہولتوں کی فراہمی کے منصوبوں کیلئے ترجیحی بنیادوں پر فنڈز کا حصول یقینی بنایا جائے جس میں مقامی ارکان اسمبلی بھی خصوصی توجہ دے رہے ہیں ورلڈ بنک کے منصوبے سے بورے والا کی ترقی میں نئے باب کا اضافہ ہو گا جس کیلئے فنڈز کی فراہمی شروع ہو چکی ہے اور بتدریج یہ منصوبہ اپنے مقررہ وقت تک مکمل ہو جائے گا،ان خیالات کا اظہار انہوں نے اپنی رہائش گاہ پر معروف سماجی شخصیت رانا طاہر کریم،انجمن تاجران کے ضلعی نائب صدر چوہدری محمد عرفان گجر،صدر پریس کلب چوہدری اصغر علی جاوید اور عصمت اللہ سنی سے گفتگو کرتے ہوئے کیا اس موقع پر بورے والا کے آفیشل میڈیا فوٹوگرافر آفتاب نذیر(علی) نے انہیں ایک یادگاری تصویر کا تحفہ بھی پیش کیا۔
About Author
