میاں زاہد ابراہیم نے ساتھیوں سمیت مسلم لیگ(ن) میں شمولیت اختیار کر لی

بورے والا(چوہدری اصغر علی جاوید سے)پراپرٹی ڈیلرز ایسوسی ایشن کے صدر اور جٹ فیڈریشن کے ضلعی صدر میاں زاہد ابراہیم سدھو نے دیگر ساتھیوں کے ہمراہ پی ٹی آئی کو چھوڑ کر مسلم لیگ(ن) میں شمولیت اختیار کر لی،تفصیلات کے مطابق پراپرٹی ڈیلرز ایسوسی ایشن کے صدر اور جٹ فیڈریشن کے ضلعی صدر میاں زاہد ابراہیم سدھو نے دیگر ساتھیوں کے ہمراہ وفاقی پارلیمانی سیکرٹری و ایم این اے چوہدری فقیر احمد آرائیں،سابق ایم این اے چوہدری نذیر احمد آرائیں اور سابق ایم پی اے سردار خالد محمود ڈوگر کی موجودگی میں مسلم لیگ(ن) میں شمولیت اختیار کر لی میاں زاہد ابراہیم نے کہا کہ مسلم لیگ(ن) ملک کی خالق اور محافظ جماعت ہے مسلم لیگ(ن) کے تمام ادوار میں جتنی ملکی تعمیر و ترقی ہوئی اس کی ماضی میں نظیر نہیں ملتی تقریب سے خطاب کرتے ہوئے وفاقی پارلیمانی سیکرٹری و ایم این اے چوہدری فقیر احمد آرائیں،سابق ایم این اے چوہدری نذیر احمد آرائیں اور سابق ایم پی اے سردار خالد محمود ڈوگر نے کہا کہ ہم میاں زاہد ابراہیم سدھو کو مسلم لیگ(ن) میں شامل ہونے پر خوش آمدید کہتے ہیں مسلم لیگ(ن) عوامی جماعت ہے اور عوام ہی ہمارا سرمایہ ہیں بورے والا مسلم لیگ(ن) کا قلعہ ہے آئندہ جنرل الیکشن میں بھی اللّٰہ کے فضل سے ریکارڈ ووٹوں سے کامیابی حاصل کریں گے سابق حکومت نے پورے ملک کی طرح بورے والا سے بھی سوتیلی ماں کا سلوک کیا اور تحصیل بھر میں ایک روپے کا بھی ترقیاتی کام نہیں ہوا آج ہم وزیر اعظم پاکستان میاں شہباز شریف کی قیادت میں بورے والا شہر کیلئے کئی منصوبے منظور کروا رہے ہیں ورلڈ بنک کی موجودہ گرانٹ بھی ہماری کاوشوں سے ہی جاری ہوئی ہے جس سے شہر میں ترقی کے ایک نئے دور کا آغاز ہو گا تقریب سے مسلم لیگ(ن) کے تحصیل صدر چوہدری ساجد شریف آرائیں،سابق ناظم چوہدری سعید احمد آرائیں،ضلعی صدر یوتھ ونگ منظور برکت ماڑی والا،صوبائی صدر مرکزی علماء کونسل پنجاب حافظ محمد ابوسفیان حنفی اور اقلیتی ونگ کے ضلعی صدر نذیر رندھاوا نے بھی خطاب کیا جبکہ اس موقع پر مسلم لیگ(ن) کے سنئیر راہنما سردار شاہد جاوید ڈوگر ،مسلم لیگ(ن) سٹی بورے والا کے جنرل سیکرٹری چوہدری نعیم شان آرائیں،چوہدری ارشاد حسین،سابق ناظم میاں کاشف رامے،سابق کونسلر ثناء اللہ رحمانی،جاوید عباس،حافظ عامر سمیت سابق کونسلرز،پارٹی عہدیداران اور معززین علاقہ نے کثیر تعداد میں شرکت کی۔