چوہدری شکیل حشمت نے پی ٹی آئی سے مکمل لاتعلقی کا اعلان کر دیا،سیاست کو خیرباد
بورے والا(چوہدری اصغر علی جاوید سے)پی ٹی آئی کے سابق کونسلر بلدیہ چوہدری شکیل حشمت نے پی ٹی آئی سے لاتعلقی کا اعلان کرتے ہوئے سیاست کو خیر باد کہہ دیا،9 مئی کے واقعہ کی شدید الفاظ میں مذمت،شرپسندی میں ملوث افراد کو قانون کے مطابق سزا دینے کا مطالبہ،پاک فوج سے اظہار یکجہتی،تفصیلات کے مطابق پی ٹی آئی کے راہنماء سابق کونسلر بلدیہ چوہدری شکیل حشمت نے پریس کلب بورے والا میں ہنگامی پریس کانفرنس کے دوران پی ٹی آئی سے مکمل لاتعلقی کا اعلان کرتے ہوئے سیاست کو خیر باد کہہ دیا انہوں نے کہا کہ وہ حادثاتی طور پر پی ٹی آئی کی طرف سے کونسلر منتخب ہوئے تھے اور اسکے بعد کسی پارٹی سرگرمی کا حصہ نہیں رہے اور نہ پارٹی کا کوئی عہدہ قبول کیا تھا 9 مئی کے واقعات میں ہونے والی شرپسندی،جلاو گھیراو اور توڑ پھوڑ انتہائی شرمناک اور قابل مذمت ہے پاک فوج کی تنصیبات اور قومی املاک کو نقصان پہنچانے کی سیاست سے میں کنارہ کشی اختیار کرتا ہوں پاک فوج ہماری ملکی سرحدوں کی محافظ ہے اور اسکے خلاف زہریلا پراپیگنڈا کرنے والے کسی طور پر بھی محب وطن شہری نہیں کہلوا سکتے یہ ملکی دشمنوں کا ایجنڈا ہے جس کا آلہ کار بننے والے بھی ملک دشمن ہیں انہوں نے آئندہ سیاست سے بھی کنارہ کشی کا فیصلہ کر لیا اس موقع پر سید اخلاق احمد شاہ بھی موجود تھے۔
About Author
