اربوں روپے کے ترقیاتی کاموں میں مجوزہ تخمینے کے برعکس ناقص اور غیر معیاری میٹریل کا استعمال نہ رک سکا
بورے والا(چوہدری اصغر علی جاوید سے)اربوں روپے کے ترقیاتی کاموں میں مجوزہ تخمینے کے برعکس ناقص اور غیر معیاری میٹریل کا استعمال نہ رک سکا،ٹھیکیدار مافیا ترقیاتی اداروں کے افسران کے ساتھ ملکر ترقیاتی کاموں میں شفافیت کی دھجیاں اُڑانے لگا،ضلعی انتظامیہ کی بے بسی کھل کر سامنے آ گئی،شکایات اور نشاندہی کے باوجود کوئی کاروائی نہ ہوسکی،غیر معیاری کاموں نے حکومتی دعوﺅں کی قلعی کھول دی،50 کروڑ سے زائد کا شہباز شریف منی بائی پاس منصوبہ کرپشن کی نذر ہو گیا،شہریوں اور مختلف سماجی تنظیموں نے وزیر اعلیٰ پنجاب سے فوری نوٹس لینے کا مطالبہ کر دیا،تفصیلات کے مطابق پنجاب حکومت کی طرف سے تحصیل بورے والا کے شہری و دیہی علاقوں میں عوام کو بنیادی سہولتوں کی فراہمی کے لیے ارکان اسمبلی کے تجویز کردہ ترقیاتی منصوبوں کے لیے اربوں روپے کے فنڈز تو جاری کر دئیے لیکن ان فنڈز کے استعمال میں انتہائی غیر معیاری اور ناقص میٹریل کے استعمال کو مانیٹر کرنے یا روکنے کے لیے کوئی ادارہ یا ٹیم تشکیل نہ دے سکی جسکی وجہ سے اربوں روپے کے سرکاری فنڈز سے جاری شہباز شریف منی بائی پاس،قائد اعظم تفریحی پارک261ای بی،پختہ سڑکوں کی تعمیر،نئی ٹف ٹائلز اور سولنگ لگانے سمیت دیگر تمام منصوبوں میں حسب روایت ٹھیکیداروں اور متعلقہ ترقیاتی اداروں کے افسران کی مبینہ ملی بھگت سے کھلے عام ناقص اور غیر معیاری میٹریل کا دھڑا دھڑا استعمال حکومت کی میرٹ اور کرپشن سے پاک پالیسی کا کھلم کھلا مذاق اُڑایا جا رہا ہے تین مختلف اداروں میں بیک وقت کام کرنے والا ایک سب انجنیئر اس کرپشن کو مبینہ طور پر چشم پوشی کرکے مکمل تحفظ فراہم کر رہا ہے جبکہ محکمہ پراونشل ہائی وے کا ایک چہیتا سب انجنیئر اپنے اختیارات کا غلط استعمال کرتے ہوئے اپنے متعلقہ حلقہ یا ایریا سے باہر بھی ان غیر معیاری کاموں کو تحفظ فراہم کر رہا ہے جس پر ضلعی انتظامیہ نے نشاندہی اور شکایات موصول ہونے کے باوجود ابھی تک کوئی نوٹس نہیں لیا ترقیاتی اداروں کے سربراہان اور فیلڈ افسران ان غیر معیاری اور ناقص کاموں کے معیار کو تسلی بخش قرار دیکر اب تک ٹھیکیداروں کو کروڑوں روپے کے فنڈز بلوں کی شکل میں ادا کر چکے ہیں وسیع پیمانے پر ہونے والی یہ کھلم کھلا کرپشن موجودہ حکومت اور اُنکے نمائندہ کے لیے ایک بڑا چیلنج بن چکی ہے اس تشویشناک صورتحال پر آواز ڈسٹرکٹ فورم کے جنرل سیکرٹری محمد شیر خاں کھچی،صدر بار ایسوسی ایشن محمد جاوید شاہین،انجمن تحفظ حقوق شہریاں کے صدر ملک فاروق اعوان،پبلک ویلفیئر سوسائٹی کے جنرل سیکرٹری اصغر علی،سید سجاد حسین بخاری،چوہدری محمد رمضان اور دیگر نمائندہ شہریوں نے وزیر اعلیٰ پنجاب سے اس کھلے عام کرپشن کا فوری نوٹس لینے اور اسکے لیے اعلیٰ سطحی تحقیقاتی ٹیم تشکیل دینے کا مطالبہ کیا ہے اس سلسلہ میں محکمہ پراونشل ہائی وے کے ایس ڈی او سمیع اللہ،لوکل گورنمنٹ کے سب انجنیئر قیصر اقبال،سب انجنیئر رانا خورشید احمد اور دیگر متعلقہ افسران نے تمام کاموں کو معیاری اور کرپشن سے پاک قرار دیا ہے انہوں نے کسی بھی ٹھیکیدار سے کسی قسم کا کمیشن وصول کرنے اور اُنکے کاموں پر چشم پوشی کے الزامات کو مسترد کرتے ہوئے کہا کہ ابھی تک اس سلسلہ میں ہمارے پاس کوئی شکایت موصول نہیں ہوئی۔
About Author
