پاک فوج کے خلاف کوئی بھی شرپسندی ہرگز برداشت نہیں کریں گے۔فقیر آرائیں،شاہد ڈوگر
بورے والا(نمائندہ خصوصی)مسلم لیگ(ن) کے ممبر قومی اسمبلی وفاقی پارلیمانی سیکرٹری برائے اکنامک افیئرز چوہدری فقیر احمد آرائیں اور سردار شاہد جاوید ڈوگر نے کہا ہے کہ پاک فوج کے خلاف کسی طرح کی ہرزہ سرائی برداشت نہیں کی جائے گی 9 مئی کو جناح ہاؤس کور کمانڈر ہاؤس پر حملے کر کے ملک دشمن قوتوں کے ایجنڈے پر عملدرآمد کرنے والے کسی رعایت کے مستحق نہیں ہیں،ان خیالات کا اظہار انہوں گزشتہ روز مسلم لیگ(ن)،مسلم لیگ(ن) اقلیتی ونگ اور دیگر تنظیموں کے زیر اہتمام پاک فوج سے اظہار یکجہتی کیلئے ریلی نکالی گئی ریلی کے شرکاء سے خطاب کرتے ہوئے کیا ریلی مسلم لیگ(ن) سیکرٹریٹ ایم بلاک سے شروع ہو کر پریس کلب کے باہر اختتام پذیر ہوئی ریلی سے مسلم لیگ(ن) اقلیتی ونگ کے راہنما چوہدری نذیر مسیح رندھاوا،صدر مرکزی انجمن تاجران چوہدری محمد صغیر رامے،صدر مرکزی علماء کونسل پنجاب حافظ محمد ابو سفیان نے بھی خطاب کیا اور کہا کہ پاک فوج کے خلاف کوئی بھی شرپسندی ہرگز برداشت نہیں کریں گے کور کمانڈر ہاؤس،جناح ہاوس،جی ایچ کیو اور دیگر قومی املاک کو نقصان پہنچانے والوں کو عبرت کا نشان بنانا ہو گا انہوں نے کہا کہ عمران خان اور ان کے چیلے چانٹوں کا ملک دشمن ایجنڈا کھل کر پوری قوم کے سامنے بے نقاب ہو چکا ہے اس وقت ہمیں مل کر ملک میں امن اور سلامتی کیلئے ملکی دفاعی اداروں کے شانہ بشانہ کھڑے ہو کر شرپسندی کے خلاف اپنا کردار ادا کرنا ہو گا مقررین نے پولیس اور پاک فوج کے خلاف زہریلا پراپیگنڈا کرنے والوں کی شدید الفاظ میں مذمت کی اس موقع پر محمد اسامہ چوہدری،امجد ڈوگر،منظور برکت ماڑی والا،شاہد نواب خان،سلامت علی،چوہدری نعیم شان آرائیں،راؤ نور محمد اور دیگر بھی موجود تھے۔
About Author
