ضلع وہاڑی بتا دیگا کہ وہاڑی مسلم لیگ ن کا تھا،ہے اور رہے گا۔عرفان دولتانہ

بورے والا(ڈیلی بورے والا)قومی اسمبلی کی سٹینڈنگ کمیٹی برائے سائنس و ٹیکنالوجی کے چیئرمین سید ساجد مہدی سلیم،سابق ممبران پنجاب اسمبلی میاں عرفان عقیل دولتانہ اور ملک نوشیر خاں لنگڑیال نے کہا ہے کہ 26 مئی کو مریم نواز کی آمد پر ضلع وہاڑی کے عوام ثابت کریں گے کہ وہ نئے پاکستان کی بجائے میاں نواز شریف،میاں شہباز شریف،مریم نواز اور حمزہ شہباز کی قیادت میں پرانے پاکستان کے ساتھ ہی کھڑی ہے جس نے پاکستان کو ایک مضبوط اور مستحکم پاکستان بنایا ایک فتنہ کی سازش بے نقاب ہو چکی ہے اور اب پوری دنیا اس فتنہ کی پاکستان اور اسکے اداروں کے خلاف کی جانیوالی سازش کا انجام اپنی آنکھوں سے دیکھے گی پاک فوج ہماری ملک کے استحکام کی ضامن ہے اور پاک فوج کے خلاف ہر میلی آنکھ کو اب پوری قوم نکال باہر کرے گی ملکی اداروں اور قومی تنصیبات پر حملہ کے پیچھے چھپے تمام کرداروں کو انجام تک پہنچانے کا مطالبہ کرتی ہے،ان خیالات کا اظہار انہوں نے 26 مئی کو وہاڑی میں مریم نواز شریف کی یوتھ کنونشن میں آمد کے سلسلہ میں منعقدہ اجلاس سے خطاب کرتے ہوئے کیا اجلاس میں سابق ناظمین محمد اسلم زاہد،ملک ذوالفقار احمد اعوان،صدر بار چوہدری ہمایوں شکیل چیمہ،چیئرمین مرکزی انجمن تاجران چاچا ملک محمد اسلم،ڈپٹی سیکرٹری جنرل مسلم لیگ(ن) علماء مشائخ ونگ پنجاب صاحبزادہ حافظ محمد رضوان عابد آرائیں،صوبائی رابطہ سیکرٹری محمد اسلم جمال اور دیگر لیگی راہنماوں،سابق ناظمین،سابق چیئرمین یوسیز اور حلقہ پی پی 230 کے نمائندہ افراد نے بھی شرکت کی۔