مریم نواز نے اپنا پہلا یوتھ کنونشن وہاڑی میں منعقد کروا کے عوام کو تحفہ دیا۔عاشق کرمانی

بورے والا(ڈیلی بورے والا)مسلم لیگ(ن) کے یوتھ کنونشن کی تیاریوں کے سلسلہ میں (ن) لیگ کا مشاورتی اجلاس،صوبائی کوآرڈینیٹر یوتھ ونگ پنجاب سید عاشق حسین کرمانی کی بطور مہمان خصوصی شرکت،کارکنان میں خوش و خروش،فلک شگاف نعرے،پاک فوج کے حق میں بھی نعرے،یوتھ کنونشن کو کامیاب بنانے کا عزم،تفصیلات کے مطابق مسلم لیگ(ن) کے سابق ایم پی اے سردار خالد محمود ڈوگر کی طرف سے 26 مئی کو وہاڑی میں چیف آرگنائزر مریم نواز شریف کی یوتھ کنونشن میں آمد اور انکے استقبال کے حوالہ سے ایک اہم مشاورتی اجلاس منعقد ہوا جس کے مہمان خصوصی صوبائی کوآرڈینیٹر مسلم لیگ(ن) یوتھ ونگ سید عاشق حسین کرمانی تھے جبکہ اس اجلاس میں قومی اسمبلی کی اسٹینڈنگ کمیٹی برائے سائنس و ٹیکنالوجی کے چیئرمین ایم این اے سید ساجد مہدی سلیم،وفاقی پارلیمانی سیکرٹری برائے اکنامک افیئر چوہدری فقیر احمد آرائیں،سابق ایم این اے چوہدری نذیر احمد آرائیں،سابق ممبران پنجاب اسمبلی چوہدری محمد یوسف کسیلیہ،میاں عرفان دولتانہ،ملک نوشیر خاں لنگڑیال،صدر بار چوہدری ہمایوں شکیل چیمہ،سردار شاہد جاوید ڈوگر،چوہدری اسامہ احمد آرائیں،سابق وائس چیئرمین ضلع کونسل رانا شاہد سرور،سابق نائب ناظم میاں خالد حسین،سردار ظہور احمد ڈوگر،سردار محمد اقبال ڈوگر،صدر حلقہ پی پی 231 چوہدری سعید احمد آرائیں،ضلعی صدر مسلم لیگ(ن) یوتھ ونگ منظور برکت ماڑی والا،سٹی صدر شاہد نواب خاں،اقلیتی ونگ کے ضلعی صدر نذیر رندھاوا مسیح اور دیگر مقامی عہدیداران و کارکنان کی کثیر تعداد نے شرکت کی اس اجلاس میں شریک کارکنان میں بہت جوش و خروش دیکھنے کو آیا پارٹی ترانوں کے ساتھ پارٹی کے حق میں نعرے بازی کی گئی جبکہ پاک فوج سے اظہار یکجہتی کیلئے بھی پاک فوج کے حق میں نعرے بازی کی گئی اس اجلاس سے خطاب کرتے ہوئے مقررین نے کہا کہ 26 مئی کو مریم نواز نے اپنا پہلا یوتھ کنونشن وہاڑی میں منعقد کروا کے ضلع وہاڑی کے عوام کو تحفہ دیا ہے ملک میں ایک ایسے شرپسند شخص نے ملک کی نوجوان نسل کو شرپسندی کا جو درس دیا ہے وہ ملک دشمنی کے مترادف ہے مسلم لیگ(ن) اس ملک کی خالق جماعت ہے اور ملکی سرحدوں کی حفاظت کرنے والی مسلح افواج پر حملہ کسی صورت برداشت نہیں کرے گی ہم شرپسندوں کو اینٹ کا جواب پتھر سے دینگے 26 مئی کو ضلع وہاڑی میں شیر دھاڑے گا اور عمرانی فتنے کو بتا دیگا کہ ضلع وہاڑی مسلم لیگ ن کا تھا،ہے اور رہے گا۔