پولیس مقابلہ میں خطرناک اجرتی قاتل ملزم آصف اپنے ساتھیوں کی فائرنگ سے ہلاک
بورے والا(چوہدری اصغر علی جاوید سے)تھانہ صدر کی حدود میں نامعلوم مسلح ملزمان کی خطرناک ملزم چھڑوانے کیلئے پولیس وین پر فائرنگ،مبینہ مقابلہ میں خطرناک اجرتی قاتل ملزم آصف اپنے ہی ساتھیوں کی فائرنگ سے ہلاک جبکہ اسکا ساتھی زخمی ہو گیا،فائرنگ کرنے والے ملزمان فرار ہو گئے،تفصیلات کے مطابق تھانہ ماڈل ٹاؤن پولیس خطرناک اجرتی قاتل آصف ولد یعقوب کمبوہ سکنہ 525 (ای بی) اور اسکے ساتھی شعبان ولد صابر جٹ سکنہ 525 (ای بی) کو دوران ڈکیتی خاتون پر فائرنگ کرنے کے مقدمہ میں ریکوری کیلئے لے جا رہی تھی کہ فائرنگ کے دوران ملزم کا ایک ساتھی شعبان زخمی ہو گیا ہلاک ہونے والے ملزم آصف نے تھانہ ماڈل ٹاؤن کی حدود میں دوران ڈکیتی حاملہ خاتون پر فائرنگ کی تھی جس کے نتیجہ میں اسکے پیٹ میں 9 ماہ کی نومولود بچی جاں بحق ہو گئی تھی مبینہ پولیس مقابلہ نواحی گاوں521 (ای بی) کے قریب ہوا ہلاک اور ہونے والے اجرتی قاتل آصف اور اسکے ساتھی شعبان کو پولیس ریکوری کیلئے لے جا رہی تھی کہ انہیں چھڑوانے کیلئے انکے ساتھیوں نے پولیس کی گاڑی پر فائرنگ کر دی جس کی زد میں آ کر زیر حراست اجرتی قاتل آصف کمبوہ ہلاک ہو گیا جبکہ اسکا ساتھی زخمی ہو گیا فائرنگ کرنے والے ملزمان موقع سے فرار ہو گئے نعش اور زخمی کو ہسپتال منتقل کر دیا گیا پولیس ذرائع کے مطابق خطرناک ملزم آصف کی تھانہ ماڈل ٹاون کے علاقہ میں دوران ڈکیتی فائرنگ سے زخمی ہونے والی حاملہ خاتون کے بطن میں 9 ماہ کی بچی جاں بحق ہو گئی تھی آصف اجرتی شوٹر تھا جو کہ متعدد سنگین وارداتوں میں بھی ملوث تھا تا ہم فائرنگ کر کے فرار ہونے والے ملزمان کی گرفتاری کیلئے پولیس کا تعاقب کر رہی ہے۔
About Author
