پولیس جرائم پیشہ عناصر کی گولی کا جواب گولی سے دے گی۔محمد عیسی خاں سکھیرا
بورے والا(چوہدری اصغر علی جاوید سے)سول سوسائٹی نیٹ ورک کی طرف سے ضلع وہاڑی خصوصا بورے والا میں پولیس کی ایک ماہ کے دوران جرائم پیشہ افراد کے خلاف غیر معمولی کامیابیوں اور امن و امان کی صورتحال بہتر بنانے پر ڈی پی او وہاڑی محمد عیسی خاں سکھیرا،ایس ڈی پی او بورے والا محمد عمر فاروق بلوچ اور انکی ٹیم کو خراج تحسین پیش کرنے کیلئے منعقدہ افطار ڈنر و شیلڈز تقسیم کرنے کی تقریب منعقد ہوئی تقریب سے خطاب کرتے ہوئے ڈی پی او وہاڑی عیسی خاں سکھیرا نے کہا کہ بورے والا سمیت ضلع بھر سے جرائم پیشہ عناصر اور جرم کے خاتمہ کیلئے پولیس پوری طرح سینہ سپر ہے پولیس جرائم پیشہ عناصر کی گولی کا جواب گولی سے دے گی کسی بھی شہری یا پولیس پر فائرنگ کرنے والا ہمارا کھلا دشمن ہے جسے اس کے انجام تک پہنچانے میں کوئی کسر اٹھا نہیں رکھی جائے گی عوام کو بھی چاہیئے کہ وہ ان معاشرے کے ناسوروں کے خلاف اٹھ کھڑے ہوں اور انکے منتقی انجام تک پہنچانے کیلئے پولیس کے ساتھ ملکر اپنا کردار ادا کریں تقریب سے ڈی ایس پی محمد عمر فاروق نے بھی خطاب کیا جبکہ تقریب سے خطاب میں ممبر قومی اسمبلی سید ساجد مہدی سلیم،سابق ایم این اے چوہدری نذیر احمد آرائیں،سابق ایم پی ایز سردار خالد محمود ڈوگر،چوہدری محمد یوسف کسیلیہ،پیٹرن انچیف سول سوسائٹی نیٹ ورک شیخ شہزاد مبین،سابق چیئرمین بلدیہ چوہدری محمد عاشق آرائیں،سابق ایم پی اے ملک نوشیر خاں لنگڑیال،برگیڈیئر(ر) محمد عامر ہاشمی،صدر وہاڑی چیمبر آف کامرس میاں خالد حسین،فاونڈر صدر وہاڑی چیمبر حافظ محمود احمد شاد،صدر بار چوہدری ہمایوں شکیل چیمہ،سابق صدر سردار ساجد فرید ڈوگر،سابق صدر وہاڑی چیمبر آف کامرس غضنفر علی،سیکرٹری مرکزی انجمن تاجران شیخ عابد فاروق،سیکرٹری پی ایم اے ڈاکٹر محمد آصف،صدر پرائیویٹ سکولز ایسوسی ایشن عبدالسلام دانش اور دیگر سٹیک ہولڈرز خطاب کرتے ہوئے کہا کہ گزشتہ ایک ماہ کے دوران ڈی پی او وہاڑی عیسی خاں سکھیرا کی قیادت میں اینٹی کرائم مہم کے دوران ناصرف پورے ضلع بلکہ بورے والا تحصیل سے خطرناک جرائم پیشہ عناصر اپنے انجام کو پہنچے اور جرائم کی شرح میں 80 فیصد کمی واقع ہوئی شہریوں کی جان و مال کے تحفظ اور امن و امان کی قیام کیلئے کی جانے والی پولیس کی کاروائیاں انتہائی قابل ستائش اور ناقابل فراموش ہیں جرائم پیشہ عناصر نے عوام کا جینا حرام کر رکھا تھا جس کو دیکھتے ہوئے ڈی پی او وہاڑی نے انتہائی جرات مندی اور بہادری سے اپنی ٹیم سے ملکر عوام کو ان معاشرے کے ناسوروں سے نجات دلائی عوام پولیس کی ان قابل قدر کاروائیوں پر انہیں خراج تحسین بھی پیش کرتی ہے اور پولیس کے شانہ بشانہ جرائم پیشہ عناصر کے ہر منفی اقدام کا ڈٹ کر مقابلہ کرنے کیلئے تیار ہے اس تقریب میں اسسٹنٹ ڈائریکٹر انٹی کرپشن خانیوال راو فیصل الرحمان،معروف صنعتکار شیخ معیز احمد،سیاسی و سماجی راہنما رانا محمد اجمل خاں،صدر پی ایم اے ڈاکٹر سجاد احمد ڈھلوں،ایم ایس ٹی ایچ کیو ڈاکٹرعمر غوری،سابق ایم ایس ڈاکٹر محمد عمران بھٹی،سابق صدر پی ایم اے ڈاکٹر مقصود شیخ،ڈاکٹر محمد اقبال،سیکرٹری بار میڈم راحیلہ منور،کنوینئر سول سوسائٹی نیٹ ورک عبدالروف چوہدری،صدر انجمن آڑھتیاں غلہ منڈی چوہدری احتشام داود،میاں خالد محمود،سابق صدرو بار میاں افتخار احمد صابر،محمد جاوید شاہین،سردار شہزاد ڈوگر اور دیگر نمائندہ سیاسی،سماجی،مذہبی،کاروباری شخصیات نے بھی شرکت کی۔
About Author
