محرم الحرام کے موقع پر پولیس،سول انتظامیہ،میونسپل کمیٹی،امن کمیٹی اور تمام مسالک کا کردار قابل تحسین ہے ۔ اسد حسین نقوی

بورے والا(چوہدری اصغر علی جاوید سے)ملک کے دیگر شہروں کی طرح بورے والا میں بھی نواسہءرسول حضرت امام حسین کا یوم شہادت انتہائی عقیدت و احترام سے منایا گیا،انجمن حیدریہ کے زیر اہتمام ذوالجناح اور تعزیہ کا مرکزی جلوس امام بارگاہ حسینیہ ایچ بلاک سے برآمد ہوا جو اپنے مقررہ راستوں سے ہوتا ہوا مقام کربلا جوئیہ روڈ آکر اختتام پذیر ہوا جلوس میں عزاداروں نے ماتم،زنجیر زنی اور نوحہ خوانی کرکے شہادت امام حسین اور شہداءکربلا کی یاد تازہ کی جلوس سے کپڑا مارکیٹ چوک میں معروف شیعہ عالم دین علامہ علی عرفان حیدر عابدی نے خطاب کیا اور شہداءکربلا کی لازوال قربانیوں پر روشنی ڈالی اس موقع پر ارکان اسمبلی چوہدری نذیر احمد آرائیں،چیئرمین بلدیہ بورے والا چوہدری محمد عاشق آرائیں،وائس چیئرمین حاجی افتخار احمد بھٹی،اسسٹنٹ کمشنر راو تسلیم اختر،چیف آفیسر بلدیہ راﺅ محمد علی،ڈی ایس پی طاہر مجید ملک،ضلعی چیئرمین امن کمیٹی محمد جمیل بھٹی،ممبران امن کمیٹی منظور برکت ماڑی والا،چوہدری محمد صغیر رامے،چاچا ملک محمد اسلم،شہباز حسین بھٹی،شیخ محمد حسن اور دیگر نمائندہ سیاسی و سماجی شخصیات بھی موجود تھیں،پیپلز پارٹی کے تحصیل صدر احسن سردار بھٹی،غلام مرتضی چوہان جبکہ پی پی پی کی صوبائی فنانس سیکرٹری شگفتہ چوہدری اور سٹی صدر طاہر سلیم چوہدری کی جانب سے جلوس میں شریک عزاداروں لئے لنگر اور جوس تقسیم کیا گیا اس موقع پر ڈی پی او وہاڑی عمر سعید ملک کی جانب سے سیکورٹی کے غیر معمولی انتظامات کئے گئے تھے جلوس کی سی سی ٹی کیمروں اور ویڈیو کیمروں کے ساتھ مانیٹرنگ کی گئی سخت سیکورٹی کی وجہ سے کوئی بھی ناخشگوار واقعہ پیش نہیں آیا جلوس جب غلہ منڈی پہنچا تو انجمن حیدریہ کے صدر سید اسد حسین نقوی ایڈووکیٹ نے سیکورٹی کے انتظامات،شہر میں صفائی،طبی سہولیات کی فراہمی اور بلدیہ کو خصوصی انتظامات پر ضلعی پولیس و سول انتظامیہ،امن کمیٹی،سول سوسائٹی اور نمائندہ شہریوں کا شکریہ ادا کیا۔