بورے والا میں ڈاکووں کا مکمل راج،مسلح ڈاکو 15 لاکھ نقدی اور قیمتی سامان چھین کر فرار

بورے والا(چوہدری اصغر علی جاوید سے)شہر اور گردونواح میں ڈاکووں کا مکمل راج،24 گھنٹوں میں ڈکیتی اور راہزنی کی درجن سے زائد وارداتوں میں نامعلوم مسلح ڈاکو 15 لاکھ سے زائد مالیت نقدی،موٹر سائیکل رکشہ اور موبائل فون چھین کر فرار ہو گئے،تاحال کسی بھی ملزم کا سراغ نہ لگ سکا،تفصیلات کے مطابق بورے والا گزشتہ دو تین ماہ سے ڈاکووں اور خطرناک جرائم پیشہ افراد کی آماجگاہ بن چکا ہے گزشتہ 24 گھنٹوں کے دوران ڈاکووں نے ناکوں کے علاوہ کئی دوکانداروں اور شہریوں کو 15 لاکھ سے زائد مالیت کے موٹر سائیکل،رکشہ،نقدی اور قیمتی موبائل فونز سے محروم کر دیا پہلے واقعہ میں تین نامعلوم مسلح ڈاکو ایم بلاک میں مشتاق الیکٹرک سٹور سے 6 لاکھ روپے نقدی لوٹ کر فرار ہو گئے،تھانہ گگومنڈی کی حدود 279 (ای بی) میں ناکہ لگا کر تین ڈاکو اقرار احمد سکنہ گگو منڈی سے 10 ہزار نقدی اور موبائل،محمد شہباز سے 50 ہزار نقدی اور موبائل،نوید احمد سے 7 ہزار نقدی لوٹ لی،اڈا مانا موڑ کے قریب محمد یاسین نامی شہری سے 4 مسلح ڈاکو موٹر سائیکل چھین کر فرار،مانا موڑ کے قریب ہی تاج محمد سکنہ معصوم شاہ کالونی سے تین ڈاکو 40 ہزار نقدی اور موبائل چھین کر چلتے بنے،تھانہ صدر کی حدود 261 (ای بی) میں 8 ڈاکووں نے ناکہ لگا کر احمد یار سے 20 ہزار نقدی اور موبائل،محمد حسین لاڑ سے 20 ہزار نقدی اور موبائل،محمد عمران سے 7 ہزار نقدی اور موبائل،محمد مشتاق سے 5 ہزار نقدی اور موبائل،مشتاق کھنڈ سے 4 ہزار نقدی اور موبائل،تھانہ فتح شاہ کی حدود 51 (کے بی) کے قریب 50 (کے بی) کے محمد محسن سے دو مسلح ڈاکو موٹر سائیکل اور موبائل فون چھین کر لے گئے،تھانہ سٹی کی حدود دربار بابا ولی کے قریب تین ڈاکووں نے محمد قاسم سے اسکی موٹر سائیکل اور نقدی چھین لی،تھانہ گگومنڈی کی حدود 277 (ای بی) کے قریب عبدالغفور نامی شہری سے دو ڈاکو 7 ہزار نقدی اور موبائل،تھانہ شیخ فاضل کے علاقہ 431 (ای بی) کے قریب مجاہد کالونی کے محمد عاشق سیل مین سے 15 ہزار نقدی اور موبائل فون چھین کر فرار ہو گئے کسی بھی واردات کا تاحال مقدمہ درج نہیں ہوا اور نہ ہی کسی ملزم کا سراغ لگایا جا سکا ہے۔