کرپٹ ایس ایچ اوز تعینات،ڈکیتیاں عروج پر،نمائندہ تنظیموں نے امن و امان کے قیام کیلئے 8 روز کا الٹی میٹم دے دیا
بورے والا(چوہدری اصغر علی جاوید سے)شہر میں بدامنی کی تشویشناک صورتحال کے خلاف بورے والا کے تمام سٹیک ہولڈرز اور سیاسی و سماجی تنظیموں نے پولیس کو امن و امان کے قیام کیلئے 8 روز کا الٹی میٹم دے دیا،اگر حالات بہتر نہ ہوئے تو ہزاروں لوگ افراد کرپٹ پولیس اہلکاروں کے دفاتر کا گھیراﺅ کر کے انہیں دفاتر میں نہیں بیٹھنے دیں گے،ہم امن چاہتے ہیں جو افسر امن قائم نہیں کر سکتا وہ بورے والا چھوڑ کر چلا جائے،ہمارے صبر کا پیمانہ لبریز ہوچکا ہے،اجلاس میں مقررین کا کے تمام سٹیک ہولڈرز کا ہنگامی اجلاس زیر صدارت چوہدری ہمایوں شکیل چیمہ بورے والا بار روم میں منعقد جس میں سابق ایم این اے چوہدری نذیر احمد آرائیں،سابق ایم پی اے سردار خالد محمود ڈوگر،تحصیل صدر پی ٹی آئی غلام مصطفی بھٹی،صدر مرکزی انجمن تاجران چوہدری صغیر رامے،نائب صدر عثمان جمیل بھٹی،جنرل سیکرٹری شیخ عابد فاروق،سیکرٹری بار راحیلہ منور،صدر پی ایم اے ڈاکٹر سجاد احمد ڈھلوں،کنونیئر سول سوسائٹی نیٹ ورک عبدالرﺅف چوہدری،صدر انجمن آڑھتیاں غلہ منڈی چوہدری احتشام داﺅد،صدر انجمن آڑھتیاں سبزی منڈی حاجی عاشق علی آرائیں،صدر آل پاکستان کسان اتحاد سردار یاسر لطیف بھٹی،صدر مرکزی علماءکونسل پنجاب حافظ ابو سفیان حنفی،صدر پریس کلب بورے والا چوہدری اصغر علی جاوید،سرپرست گلوبل یوتھ آرگنائزیشنسید سجاد حسین بخاری ،صدر ضعیم الرشید،ممبر امن کمیٹی مولانا حافظ محمد یاسر راشدی،صدر انسانی حقوق کمیٹی محمد رحمان کھوکھر،سابق صدر بار محمد جاوید شاہین اور دیگر نے خطاب کرتے ہوئے کہا کہ بورے والا جنگل کا قانون بن چکا ہے جب سے ڈی پی او ظفر بزدار آئے ہیں تھانے ٹھیکہ پر چڑھ گئے ہیں نااہل اور کرپٹ ایس ایچ اوز تعینات ہیں ڈکیتیاں اور چوریاں معمول بن چکی ہیں کوئی بھی شہری خود کو محفوظ نہیں سمجھتا پولیس کی طرف سے ان جرائم پیشہ عناصر کو گرفتار کرنے کی کوئی قابل ذکر کاروائی نہیں ہوئی شہریوں کو جرائم پیشہ عناصر کے رحم و کرم پر چھوڑ دیا گیا تھانوں میں رشوت عام ہے اس بدترین صورتحال کے حوالہ سے پہلے بھی سٹیک ہولڈرز سے انتظامیہ کو اپنا قبلہ درست کرنے کا کہا ہے لیکن کوئی ٹس سے مس نہیں ہوا لیکن ہم اب خاموش نہیں بیٹھیں گے ہمیں تحفظ نہیں ہم کہاں جائیں اب صرف ایک ہی راستہ ہے کہ ہم سب ملکر ان کرپٹ پولیس افسران کے دفاتر کا گھیراﺅ کریں ہم انتظامیہ کو بتا دینا چاہتے ہیں کہ اب بورے والا کے تمام سٹیک ہولڈر ایک پیج پر ہیں ہمیں امن کے قیام کیلئے اب احتجاج کا جو بھی راستہ اختیار کرنا پڑا کریں گے ہم نئے ڈی پی او وہاڑی کے آئندہ سوموار تک 8 روز کی مہلت دیتے ہیں اگر اس دوران وارداتوں میں کمی آئی اور جرائم پیشہ عناصر گرفتار ہوئے تو ہم پولیس کے ساتھ کھڑے ہونگے لیکن اگر کوئی تبدیلی نظر نہ آئی تو آئندہ سوموار کو بورے والا کے تمام شعبے،تمام سیاسی و سماجی تنظیمیں،عام شہری اور سول سوسائٹی سمیت ہزاروں افراد تاریخی احتجاج کریں گے ڈی ایس پی آفس کا گھیراﺅ ہو گا پھر کوئی مذاکرات نہیں ہونگے اس لئے انتظامیہ کو چاہئے کہ عوام کے رد عمل کو دیکھتے ہوئے امن و امان کی بحالی کیلئے کوئی موثر لائحہ عمل ترتیب دیں اس احتجاجی اور آئندہ کے لائحہ عمل کے تمام سٹیک ہولڈرز پر مشتمل ایک کمیٹی تشکیل دی جائے گی جسکو ہر فیصلے کا مکمل اختیار ہو گا۔
About Author
