صحافی معاشرتی مسائل کی نشاندہی کر کے ان کو حل کروانے میں اہم کردار ادا کرتے ہیں۔سہیل صابر چوہدری

بورے والا(چوہدری اصغر علی جاوید سے)معروف سیاسی سماجی شخصیت و سابق چیئرمین سی پی ایل سی ضلع وہاڑی سہیل صابر چوہدری،چوہدری نبیل صابرایڈووکیٹ اورچوہدری عقیل صابر نے اپنے آفس میں پریس کلب کے ممبران کے اعزاز میں پرتکلف ظہرانہ دیا گیا جس میں بانی سینئر اور نوجوان ممبران نے شرکت کی اس موقع پر سہیل صابر چوہدری نے کہا کہ صحافی معاشرے کی آنکھ اور کان ہوتے ہیں اور یہ پیغمبری پیشہ ہے صحافی معاشرتی مسائل کی نشاندھی کر کے ان کو حل کروانے میں اہم کردار ادا کرتے ہیں پریس کلب بورے والا نے ہمیشہ صاف ستھری صحافت کی ہے اور صحافت کے وقار پر کبھی آنچ نہیں آنے دی پریس کلب کے بانی ممبران احمد وسیم شیخ اور راو¿ منور احمد خاں نے کہا کہ اس گھرانے کے سربراہ ڈاکٹر غلام سرور صابر مرحوم نہایت ملنسار خوش اخلاق شخصیت کے حامل انسان تھے اور وہ ایک نفیس اور مہمان نواز انسان تھے انکی روایات کو انکے بیٹوں نے آج بھی قائم رکھا ہوا ہے جس وجہ سے وہ شہر کے تمام حلقوں میں عزت کی نگاہ سے دیکھے جاتے ہیں اس خاندان کی بورے والا میں تعلیم کے شعبہ میں گراں قدر خدمات کی بدولت آج بورے والا “دی سٹی آف ایجوکیشن” کا اعزاز رکھتا ہے تعلیمی اداروں کے طلباءو طالبات کو جدید خطوط پر تعلیم کے حصول کیلئے شہاب آئی ٹی بلاک اور سائنس لیب سمیت دیگر منصوبے قابل فخر ہیں۔