پیپلز پارٹی کو ختم کرنے کا خواب دیکھنے والوں کا کوئی نام لینے والا نہیں ہے۔کامران گھمن
بورے والا(اصغر علی جاوید سے)پیپلز پارٹی کے امیدوار قومی اسمبلی تحصیل صدر چوہدری کامران یوسف گھمن نے کہا ہے کہ پیپلز کے بانی چیئرمین ذوالفقار علی بھٹو شہید نے عوام کو سیاسی شعور سے آگاہی،کسانوں مزدوروں کے حقوق اور ملک میں جمہوریت کیلئے آج سے 55 سال قبل پیپلز پارٹی کو قائم کیا جو کہ اس عظیم لیڈر کا ایک پسے ہوئے طبقات کیلئے ایک بڑا کارنامہ تھا،ان خیالات کا اظہار انہوں پیپلز پارٹی کے 55 ویں یوم تاسیس کے موقع پر گفتگو کرتے ہوئے کیا انہوں نے کہا کہ پیپلز پارٹی نے عوام کے حقوق،ملک میں جمہوریت کی بحالی اور آمریت کے خلاف ایک طویل عرصہ تک جدوجہد کی جس میں اعلیٰ سے لیکر ورکروں تک قیدو بند کی صعوبتیں برداشت کیں اور پیپلز پارٹی کے بانی چیئرمین ذوالفقار علی بھٹو،محترمہ بینظیر بھٹو شہید اور ان کے خاندان نے اپنی جانوں کا نذرانہ پیش کیا پیپلز پارٹی کے تحصیل آفس میں یوم تاسیس کے سلسلہ میں منعقدہ تقریب سے قائمقام تحصیل صدر چوہدری نعمان رشید آرائیں،سٹی صدر حاجی عنایت اللہ وسیئر،جنرل سیکرٹری سلیم قریشی،چوہدری غلام حیدر جٹ اور دیگر نے بھی خطاب کرتے ہوئے کہا کہ پیپلز پارٹی نے ہر دور کے آمروں کا ڈٹ کر مقابلہ کیا ہے اور ان کو شکست سے دو چار کیا ہے پیپلز پارٹی کو ختم کرنے کا خواب دیکھنے والوں کا کوئی نام لینے والا نہیں ہے موجودہ ملکی حالات میں پیپلز پارٹی کے نوجوان چیئرمین بلاول بھٹو زرداری نے پیپلز پارٹی کے بانی چیئرمین ذوالفقار علی بھٹو شہید کے فلسفے پر عمل اور محترمہ بینظیر بھٹو شہید کے ویژن کے مطابق عمل کرتے ہوئے کامیاب خارجہ پالیسی پر ملک کے وقار کو بلند کیا ہے جس پر پیپلز پارٹی کو فخر ہے اس موقع پر پیپلز پارٹی کے سینئر رہنما چوہدری عبدالرشید سومی،ڈاکٹر شمشاد الحق،اقبال نارو،جمیل طور قلندری،ملک عباس،علی اکبر جٹ،قاسم مجاہد،میاں محمد امین،عبدالستار آرائیں،ملک طارق،اکرم ٹکا،ملک فقیر محمد،عرفان غنی اور دیگر بھی موجود تھے تقریب کے اختتام پر سب نے ملکر یوم تاسیس کا کیک کاٹا اور بھٹو خاندان کے شہداء کے درجات کی بلندی کیلئے فاتحہ خوانی،سابق صدر آصف علی زرداری اور چیئرمین بلاول بھٹو زرداری کی درازی عمر،ملک کی خوشحالی ترقی اور سلامتی کیلئے دعا کی گئی۔
About Author
