سڑکوں اور اورنج ٹرینوں کی بجائے عوام کو پینے کے صاف پانی کی فراہمی حکومت کی ذمہ داری بنتی تھی ۔ احسن سردار بھٹی
بورے والا(چوہدری اصغر علی جاوید سے)پیپلز پارٹی تحصیل بورے والا کے صدر احسن سردار بھٹی نے کہا ہے کہ پینے کا صاف پانی نہ ملنے سے ہر تیسرا شخص ہیپاٹائٹس اور دیگر جان لیوا امراض میں مبتلا ہے،حکومت چار سال تک سابقہ دور میں لگے پینے کے صاف پانی کی فراہمی کے فلٹریشن پلانٹ بھی چالو نہیں کر سکی،سڑکوں اور اورنج ٹرینوں کی بجائے عوام کو پینے کے صاف پانی کی فراہمی حکومت کی ذمہ داری بنتی تھی،پیپلز پارٹی نے اپنے سابقہ دور میں نئے فلٹریشن پلانٹ اور واٹر سپلائی ٹیوب ویلز کے جو منصوبے مکمل کروائے تھے،موجودہ حکومت نے جان بوجھ کر انہیں چالو نہ کرکے عوام کو بنیادی سہولت سے بھی محروم رکھا حکمرانوں کی ترجیحات بڑے منصوبوں میں بھاری کمیشن کا حصول ہے ہم سابقہ دور میں مکمل ہونے والے ایسے تمام منصبوں کو اپنے ذاتی خرچہ پر چالو کرکے عوام کو یہ بنیادی سہولت فراہم کریں گے،ان خیالات کا اظہار انہوں نے نواحی گاﺅں495ای بی میں پیپلز پارٹی کے سابقہ دور میں ایم پی اے سردار خالد سلیم بھٹی کی گرانٹ سے لگنے والے واٹر فلٹریشن پلانٹ کو چالو کرنے کی افتتاحی تقریب سے خطاب کرتے ہوئے کیا حاجی احسن سردار بھی نے فلٹریشن پلانٹ میں نئے بجلی کنکشن کے ذریعہ اسے چالو کرکے مقامی یوسی چیئرمین ملک ناصر اعوان اور معززین علاقہ کے حوالے کر دیا اس موقع پر حاجی عنایت اللہ وسیر،صدر پی وائی او حاجی محمد رمضان،ملک مبشر اعوان،فتح اللہ اعوان،چوہدری سائیں جٹ،امیر حمزاہ،حمزاہ شہزاد وسیر،کیپٹن(ر)محمد اسماعیل،فضل الٰہی گجر،سجاد احمد بھٹی،ملک بغداد احمد اور دیگر اہل علاقہ کی کثیر تعداد موجود تھی۔
About Author
