سول سوسائٹی اور نمائندہ شہریوں کی پاک فوج کے حق میں “سیاست نہیں ریاست بچاو” ریلی
بورے والا(چوہدری اصغر علی جاوید سے)سول سوسائٹی،تاجروں،وکلاء،سیاسی و سماجی شخصیات اور نمائندہ شہریوں کی پاک فوج کے حق میں “سیاست نہیں ریاست بچاو” ریلی،پاک فوج کے حق میں نعرے،پاک فوج سے اظہار یکجہتی کیا گیا،تفصیلات کے مطابق سول سوسائٹی،انجمن تاجران،انجمن آڑھتیاں،وکلاء،سماجی تنظیموں اور نمائندہ سیاسی شخصیات نے ممبر پنجاب اسمبلی سردار خالد محمود ڈوگر اور سابق چیئرمین میونسپل کمیٹی چوہدری محمد عاشق آرائیں،صدر بار چوہدری محمد صدیق،قائمقام صدر انجمن تاجران چوہدری صغیر رامے،کنوینئر سول سوسائٹی نیٹ ورک عبدالروف چوہدری،صدر انجمن آڑھتیاں غلہ منڈی چوہدری احتشام داو،پاکستان کسان اتحاد کے جنرل سیکرٹری چوہدری مہران علی اور مرکزی علماء کونسل پنجاب کے نائب صدر حافظ محمد ابوسفیان حنفی کی زیر قیادت پاک فوج سے اظہار یکجہتی کیلئے”سیاست نہیں ریاست بچاو” ریلی نکالی جو پریس کلب سے گول چوک اور واپس پریس کلب آ کر اختتام پذیر ہوئی ریلی کے شرکاء نے خطاب کرتے ہوئے کہا کہ پاک فوج کو بدنام کرنے کیلئے اسے سیاست میں دھکیلنے کی سازش کی جا رہی ہے جبکہ پاک فوج 22 کروڑ عوام اور ملکی سرحدوں کی محافظ ہے عوام پاک فوج کے ساتھ کھڑے ہیں اور کسی بھی سازش کا حصہ نہیں بنیں گے جن ملکوں کی فوج کمزور ہوئی ہے وہ ملک تباہ ہوئے ہیں ہم نے فوج کا ہر سطح پر دفاع کرنا ہے کیونکہ فوج ہمارا اور ہمارے ملک کا دفاع کرتی ہے اس ریلی میں صدر غلہ منڈی چوہدری احتشام داود،مسلم لیگ(ن) یوتھ ونگ کے ضلعی صدر منظور برکت ماڑی والا،مسلم لیگ(ن) علماء مشائخ ونگ پنجاب کے ترجمان محمد اسلم جمال،جنرل سیکرٹری انجمن تاجران شیخ عابد فاروق،صدر عارف بازار محمد عاطف چوہدری،شیخ اعظم سلطان،صدر کریانہ ایسوسی ایشن راو نور محمد،سٹی صدر کسان اتحاد خرم حسن سنگھیڑا،سید زاہد حسین مشہدی،سید سجاد حسین بخاری،چوہدری طاہر،مدثر مرغوب اور دیگر نمائندہ شخصیات نے بھی شرکت کی۔
About Author
